بعد عرض تقدر.. مدحت العدل: كل اللي نفسنا نعمله بيتحقق من خلال المسرح والسينما
أعرب الكاتب والسيناريست مدحت العدل عن سعادته الكبيرة بتقديم العرض المسرحي تقدر بدار الأوبرا المصرية، حيث أكد أن جميع أهدافهم تتحقق من خلال السينما والمسرح.
وقال السيناريست مدحت العدل، في تصريحاته لـ القاهرة 24، على هامش حضوره العرض المسرحي تقدر: لازم نفتح النوافذ في جميع المدارس، مش لازم المسرح يكون زي الأوبرا، نقدر نعمل في أي قرية مسرح.
وتابع مدحت العدل: إحنا طول عمرنا بنسمع عن مسرح الشارع والخيمة، وعندنا نص وممثلين ومواهب، مش لازم مسرح الأوبرا، عندنا قصور ثقافة كلهم فيهم مسارح لكن مفهومش نشاط، إحنا طل اللي نفسنا نعمله بيتحقق من خلال المسرح والسينما.
وكان كشف مدحت العدل كواليس التحضير لـ مسرحية تقدر، تلك المسرحية التي ضمت عددًا كبيرًا من نجوم الفن كان أبرزهم الفنانة يسرا والفنان محمد فراج.
وتحدث مدحت العدل في تصريح مسبق لـ القاهرة 24: مسرحية تقدر هو عمل مسرحي غنائي كبير واستعراضي، والعمل اسمه تقدر لأن البني آدم يقدر يعمل أي حاجة وكل حاجة، وتعرض المسرحية يوم 7 و8 يناير في دار الأوبرا، المسرحية هتتعرض في المدارس.
تصريحات مدحت العدل
وأضاف السيناريست مدحت العدل: سعيد بعودة المسرح المدرسي لأننا اتربينا على مسرح المدرسة وحصة الموسيقى، ولما بطلنا المسرح المدرسي حصل إرهاب والناس بقت تشتم الفن والفنانين، أحب أشكر وزير التربية والتعليم لأنها بادرت بهذه المبادرة، ووزيرة الثقافة، والمخرجة بتول عرفة مقدمة عمل جيد وكبير.
