صبري فواز: الحمد لله محصلش هجوم عليا بعد تجسيد شخصية مرسي في الاختيار 3
أعرب الفنان صبري فواز عن سعادته برد فعل الجمهور بعد تجسيد شخصية محمد مرسي في مسلسل الاختيار الجزء الثالث الذي عُرض في الموسم الرمضاني 2022.
وقال الفنان صبري فواز في تصريحات تلفزيونية، إنه سعيد برد فعل الجمهور بعد تقديمه لشخصية الرئيس المعزول محمد مرسي في مسلسل الاختيار الجزء الثالث الذي عُرض في رمضان 2022.
وأضاف صبري فواز: الحمد لله طول الوقت الناس كانت بتقول كلام كويس عن الدور، وحق الله أنا كنت متخيل إنه هيحصل هجوم عليا والحمد لله محصلش وبفضل ربنا محصلش حاجة وحشة والناس كلها قالت كلام كويس.
وأكمل صبري فواز: الرئيس عبد الفتاح السيسي هو أول من قالي كلام كويس عن الدور بعد ما اتقابلنا، كمان في نقاد كتبوا مقالات كويسة أوي عن الدور أنا محتفظ بها حتى الآن وكمان الجمهور قال كلام عجبني ومكنش فيه هجوم عليا.
وواصل صبري فواز: أنا كنت مدرك أني كنت شغال في عمل خطير ومهم والكلام الكتير حواليه كان هيعمل قلق كبير ومش محدود، عشان كدا اخترت أني أسكت، وعجبني فكرة أن الناس مبسوطة فـ الحمد لله.
وتابع: لقائي مع الرئيس كان حاجة في منتهى الجمال، خصوصًا أنه كان بيسلم عليا وبيقولي كلام حلو عن الشخصية، وبعد كدا شوفت كمان الناس بتعمل أيه ورد الفعل من الناس فأنا كنت في حالة حلوة وكنت ساكت عشان كنت مستطعم اللي بيحصل.
مسلسل الاختيار الجزء الثالث
العمل من بطولة: أحمد عز، كريم عبد العزيز، أحمد السقا، ياسر جلال، أحمد بدير، والعديد من الفنانيين، ومن إخراج بيتر ميمي وتأليف هاني سرحان، وتم عرضه في موسم رمضان 2022.
