السيسي: مؤسسات المجتمع المدني تؤدي دور الحكومة مش هتقوم به بنفس الكفاءة
حرص الرئيس عبد الفتاح السيسي، رئيس الجمهورية، على توجيه الشكر للمجتمع المدني والمستفيدين من برنامج التمكين، قائلا: لازم أشكركم ربنا يوفقكم، وبشكركم عشان النجاح اللي حققتوه، وإنكم أمل لغيركم لأنكم نموذج للناس والنجاح.
وتابع السيسي خلال مداخلة له على هامش فعاليات المؤتمر الأول للتحالف الوطني للعمل الأهلي والتنموي: بوجه الشكر والتقدير لجمعيات الكيانات التي تعمل في العمل الخيري، وإحنا محتاجين هذا النور.
المؤتمر الأول للتحالف الوطني للعمل الأهلي والتنموي
وأضاف الرئيس: مؤسسات المجتمع المدني بتقوم بدور الحكومة مش هتقوم بيه بنفس الكفاءة، ومش عاوز الدكتور مصطفى يزعل، وده اللي شوفناه من التحالف، محتاجين مزيد من الكيانات الأخرى تدخل في التحالف الوطني، عشان نشوف نفس النتائج اللي بنشوفها والنماذج الناجحة.
واستكمل السيسي حديثه: لازم نشكر كل المساهمين على دعم التحالف الوطني للعمل الأهلي، الكلام ده بيتم من دعم كل إنسان جوه الخير ولديه القدرة على مساعدة الناس، والـ 10 مليار اللي استخدمهم التحالف كلها تبرعات.
