وسعوا الدايرة علشان الدنيا تمشي.. عبير صبري تناشد المنتجين: فنانيين كبار عايزين يشتغلوا وقاعدين في بيوتهم
ناشدت الفنانة عبير صبري؛ المنتجين والمسؤولين عن مهنة الفن، لمساعدة بعض النجوم الكِبار والشباب الطموح، إذ أكدت أن هؤلاء يطلبون منها ومن بعض النجوم المساعدة للعودة في الفن مرة أخرى، وذلك للإنفاق على أسرهم، وتحسين دخلهم.
وكتبت الفنانة عبير صبري منشورًا، عبر حسابها الشخصي بموقع التواصل الاجتماعي فيسبوك، إذ قالت: أنا بقالي شهور مش بدخل على الفيس بوك، مجرد صور وخلاص بتتشير أتوماتيك من الانستجرام، بس حبيت أقول كلمتين ورجاء لكل شخص مسؤول في مهنة الفن من أساتذتنا، منتجين ومخرجين أرجوكم في منتجين فنيين كبار كان ليهم شغلهم من كام سنة، وتوقفوا غصب عنهم، وفنانين كبار وشباب طموح عاوز يبدأ في التمثيل كل دول قاعدين في بيوتهم.
مناشدة عبير صبري
وتابعت عبير صبري: كلهم بيكلمونا نساعدهم يلاقوا فُرصة ييفتحوا بيوتهم، ويصرفوا على أولادهم.. أرجوكم لو سمحتم ساعدوا الناس.. حرام خلوا الناس تشتغل.. افتحوا أبوابكم لأسامي ثانية، وسّعوا الدايرة شوية علشان ربنا.. علشان الدنيا تمشي.. الدنيا بقت صعبة على الجميع.. ربنا يكفي الجميع شر القهر والعوز والإحباط.
وأضافت عبير صبري: كل راعي مسؤول عن رعيته، واللي في أيده منصب، ولا شركة ولا غيره يساعد الناس.. ده واجبه تجاه مهنته، وتجاه أهل المهنة الكرام.. شكرًا لكم.
