الراقصة هندية تطالب محتجزي كلبها بإرجاعه: خدوا عليا تعهد إني ههتم بيه
طالبت الراقصة هندية، محتجزي كلبها بإرجاعه لها، حيث أنهم تحفظوا عليه بعدما انتشر فيديو لـ هندية أثناء إلقائها كلبها خارج سيارتها وتركه بالشارع بعد إصابته في قدمه، مؤكدة أنها على استعداد للتوقيع على تعهد بحرصها على الاهتمام بكلبها ومعالجته.
وقالت هندية، في لايف مع القاهرة 24، إن كلبها لم يكن يُعاني من شلل أو مُصاب بقدمه، موضحة: على فكرة الكلب عنده هزلان من قلة شرب الماء، وأنا مش عارفة إيه اللي حصل معاه بالضبط لأني بقالي فترة كبيرة مش بروح أكتوبر لأن الجو برد جدًا، وتفاجأت إني بقوله تعالى يا روكي يا حبيبي لقيته واقف مكانه ومش قادر يتحرك، وبناء عليه شيلته وحطيته في عربيتي وكنت هوديه لدكتور.
وأكدت الراقصة هندية، أنها تواصلت مع محتجزي كلبها أكثر من مرة لإرجاعه ولكن قوبل طلبها بالرفض، قائلة: أنا تواصلت مع اللي أخدوا الكلب قالولي معندوش شلل ولا كسر، وكلمتهم مرة واتنين مبتردش والنهارده ردت وقالتلي مش هديكي الكلب ولا هتشوفيه، طيب بأمارة إيه؟ أنا عايزة الكلب بتاعي وأنا متكفلة بيه وياخدوا عليا أي تعهد إني ههتم بيه، ده ابني يعني إيه مترجعليش ابني.
وتابعت أنها على استعداد أن تمضي تعهد باهتمامها بكلبها في حال عودته مرة أخرى، موضحة: ياخدوا عليا تعهد ويتابعوا معايا وأنا هاخده عند دكتور متخصص ومش هقصر في حقه، لأنه زي ابني هسيبه ليه؟
أنا سيبته لحد لأني مش هقدر أخده شقتي، مرة من سنة خدته شقتي مرمطني وكسر الدنيا، هو كلب شقي جدًا والريحة فظيعة جدًا وكان لازم مكان مفتوح، كنت بحميه بنفسي وبعمله رز بلبن وكان بيحبه جدًا.
