الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

بشرى: أنا عليا أقساط وقروض.. ومش كل الفنانين أغنياء

بشرى
فن
بشرى
الجمعة 20/يناير/2023 - 11:42 م

أكدت الفنانة بشرى أن الفنان جزء لا يتجزأ من المجتمع، مشيرة إلى أن الفنان يقع عليه جميع الظروف العالمية التي تحدث في أي مجتمع وسط  أي شعب. 

وعلقت الفنانة بشرى عن حديث الفنانة لقاء الخميسي، التي طلبت من الجمهور احترام آرائها، وقالت الفنانة بشرى في لقائها مع القاهرة 24: شايفة إن الفنان جزء لا يتجزأ من المجتمع، ويقع عليه فعل الفاعل وكل الظروف العالمية اللي بتحصل في أي مجتمع وسط  أي شعب، إحنا من الشعب مش من أفلام كرتون، عندنا شخصيات حقيقية، عندنا مشاكلنا وظروفنا الاقتصادية، وولادنا اللي عايزين نعلّمهم، والتعليم بقى غالي.

بشرى: الفنان عنده أقساط

وتابعت الفنانة بشرى، قائلة: الفنان عنده أقساط، ومش كل الفنانين بتقبض فلوس كتير، والناس لازم تفهم الفرق بين 4 أو 5 نجوم كبار جدًا علشان عندهم قوة شرائية في أفلامهم وغير الغالبية الساحقة من الفنانين، والناس دول كلهم في نقابة واحدة، ومفيش فرق بين واحد معاه وفلوس والتاني، كلنا بتسري علينا القوانين واللوائح، وبنتكفل ببعض كلنا بشكل أسري، والحياة صعبة ولازم نقدّر بعض.

بشرى ومحمد رمضان

وكانت الفنانة بشرى تحدثت عن تكريم الفنان محمد رمضان في مهرجان الأقصر في دورته الـ 12، حيث قالت: محمد رمضان عنصر يمثل الشباب وله شعبية كبيرة في مصر والوطن العربي وشمال إفريقيا، وتكريمه ما يعتبرش تكريم لأنه لسه صغير ونقدر نقول دفعة للأمام إنه يشيل مسؤولية التكريمات لأنه يقدم الأفضل والأحسن والأجود علشان الناس اللي وثقت فيه واحترمته وكرمته.

تابع مواقعنا