مي كساب: محمد رمضان لو مش واثق من نفسه ميرضاش حد يشاركه البطولة
تحدثت الفنانة مي كساب عن مسلسل العمدة وتعاونها مع الفنان محمد رمضان، وكواليس العمل مع المخرج محمد سامي، إلى جانب حديثها عن سبب ابتعادها عن الغناء وكواليس مسلسل اللعبة 4.
وقالت مي كساب في تصريحات تليفزيونية: سعيدة بتجربة مسلسل العمدة جدًا ومستفيدة منها، والمخرج محمد سامي مخرج كبير وبيعشق الممثل وبتعلم منه حاجات كتير، والروح بينا في العمل كويسة.
وأضافت مي كساب: الورق مكتوب بشكل مش طبيعي، ومحمد رمضان لو مش واثق من موهبته مش هيسمح لحد يشاركه في البطولة، ورمضان متعاون جدًا ومبهورة بروحه وبيحب زمايله بشكل كبير، وكل واحد عنده ماستر سين.
وعن إمكانية ديو غنائي يجمعها بـ محمد رمضان، أوضحت مي: أتمنى نعمل ديو غنائي مع بعض، ونروح لـ أوكا يعمل المزيكا.
مسلسل اللعبة 4
واستكملت مي حديثها عن مسلسل اللعبة 4: اللعبة الجزء الرابع اسمه دوري الأبطال، وغيرنا قوانين اللعبة، ومعانا ضيوف شرف كتير منهم أكرم حسني وخالد الصاوي، والمسلسل مكتوب بشكل حلو جدًا.
وعن ابتعادها عن الغناء، قالت مي كساب: أنا شخصية كسولة أوي في الغنى، وبعمل الأغاني بمزاج والشعراء بيعانوا مني وببقى عايزه أغني موضوعات متغنتش قبل كده، وبحب أروح مناطق تاني في الغناء، وعندي ألبوم هخلصه في شهر رمضان وهينزل في الصيف، وفي فيلمين بشارك فيهم وهما سنة أولى خطف والخميس الجاي، والفيلمين بغني فيهم.
