مرتضى منصور يوجه رسائل نارية للاعبي الزمالك
كشف مرتضى منصور رئيس نادي الزمالك عن أن أسامة نبيه طلب ضم أحمد عبد المقصود بدلا من محمد صبري، وأنه في نفس الوقت يتواصل مع محمود فايز، وأنه ليس عندي علم باعتذاره، مؤكدا أنه سيجتمع في الواحدة ظهر اليوم مع الجهاز الجديد، وبعدها مع اللاعبين، وجهاز الزمالك سيتواجد به أسامة نبيه وأحمد عبد المقصود مدرب مساعد، وحسين ياسر المحمدي، إلى جانب أيمن طاهر وإسماعيل يوسف مدير كرة، وأمير مرتضى منصور مشرف عام على الفريق وقطاع الكرة.
وأضاف منصور في تصريحات تلفزيونية عبر قناة ناديه أنه يوجه عددا من الرسائل للاعبين قائلا:" اللاعب اللي مش عاوز الزمالك يجيب عرض ويمشي مهما كان اسمه، مؤكدا دعمنا ووقفنا معاكم بس انتم مش موظفين، ومش هسمح تعكننوا علي الجماهير، مفيش لاعب مش هيلعب في مكانه، وأسامة نبيه فاهم مشاكلكم الفنية كويس.
وواصل منصور تصريحاته قائلًا “ مفيش حاجة اسمها لاعب يتركن لحد مايصدي زي عبد الله جمعة أو محمد صبحي، الكل لازم يلعب أنا مش جايب موظفين، عندنا مدربين مصريين محترمين، والأجانب مش بيطلعوا نار من بوقهم، واللاعب اللي هيدلع هقطع رقبته فلوس، واللي هيسهر أو يدلع أمير وإسماعيل هيتصرفوا معاه ”.
وسخر مرتضي منصور من فاروق جعفر، مؤكدا أنه لو فاروق جعفر مدرب الزمالك، فلن يشارك سيف ابنه، رخامة كده، والواد موهوب أكتر من أبوه، كاشفا أن محمود علاء هيرجع غصب عن محمد مصيلحي، وهشتكي في الاتحاد الدولي، لأنه أعلن الاتفاقيات علي الهواء.
وعن صفقات الزمالك تحدث مؤكدا أن الفريق يحتاج رأس حربة ولاعب وسط ولاعب في الدفاع وسننهي التعاقد معهم في الأيام المقبلة قائلا " كنا هنخلص إيبوكا علي 17 مليون جنيه، ولما الصفحات الزملكاوية كتبت، سيراميكا طلب 40 مليون جنيه، والواد النكرة اللي اسمه مروان عطية ماحدش كان يعرفه ووقع معايا، ولما الناس اتكلمت مصيلحي طلب 15 مليون جنيه، ونفس الأمر كنا هنتعاقد مع لاعب أجنبي مميز على 500 ألف دولار، ولما الناس اتكلمت رئيس النادي بتاعه طلب 2 مليون دولار.
واختتم مرتضى تصريحاته قائلا " أقسم بالله لو هحط التشكيل ما اخسر أي مباراة أنا عندي أحسن فريق " .
