سحر رامي: فكر الشعراوي متطرف.. وراح نقل كلى عند الأجانب اللي بيكفرهم
تحدثت الفنانة سحر رامي عن آراء الشيخ محمد متولي الشعراوي، مؤكدة أن آراءه متطرفة وأتباعه من جماعة الإخوان، بجانب الحديث عن أهمية تقديم قضايا المجتمع في الأعمال الفنية.
وقالت سحر رامي لـ القاهرة 24: الشيخ الشعراوي فكره متطرف وقضى على ناس كتير، وحرم نقل الأعضاء ورغم ذلك راح نقل كلى عند الأجانب اللي بيكفرهم، مسابش نفسه يموت ليه بقى؟.
تصريحات سحر رامي
وواصلت سحر رامي: الفن لازم يقدم الموضوعات الشائكة زي حقوق المرأة والإخوان والدواعش وزواج القاصرات، لأن دي قضايا موجودة على أرض الواقع ولازم نناقشها ولكن بـ فكر كويس والكتابة تكون موضوعية زي مسلسل الجماعة ظهر الحقيقة بدون انحياز لأي جانب وحقق نجاح كبير وزي مسلسل فاتن أمل حربي.
كما سبق وكشفت سحر رامي عن رأيها في إعادة تقديم سيرة الشعراوي في عمل مسرحي.
وقالت لـ القاهرة 24: فيها إيه لما نعيد تقديم سيرة الشعراوي في عمل فني؟، من قديم الأزل والفن بيقدم نفس الموضوعات باختلاف الأبطال والفكر وأنها تتقدم بشكل متطور، ولو أتعرض عليا أشارك في عمل فني عن الشيخ الشعراوي مش هرفض، لأن ده فن وأنا عمري ما برفض أي عمل فني بشرط تكون الشخصية مناسبة ليا وأقدر أقدمها بشكل صحيح ويعجب الجمهور ويقتنع به.
