هاني رمزي: نيللي كريم بتزن عليا نعمل غبي منه فيه
كشف الفنان هاني رمزي عن رغبة الفنانة نيللي كريم في تقديم الجزء الثاني من فيلم غبي منه فيه، مؤكدًا أن جيلهم لن يُعوض.
وقال الفنان هاني رمزي في تصريحات تليفزيونية، إن الفنانة نيللي كريم كثيرة الإلحاح عليه لعمل جزء ثاني من فيلم غبي منه فيه، قائلًا: نيللي كريم قاعدة بتزن عليا نعمل غبي منه فيه جزء ثاني، ولما عملت الفيلم معايا كانت نجمة، ومفيش جيل في السينما المصرية يعوض الجيل بتاعنا.
وعن رأيه في الفنانين الذين يطلقون على أنفسهم ألقابًا فنية، علق هاني رمزي: الجمهور هو اللي بيقول اللقب، وأنا مش من نوعية الفنانين اللي بيطلعوا على أنفسهم ألقاب، ولو أنا من جمهوري هقول الفنان هاني رمزي وأنا شايف الفنان أعلى من أي لقب.
وأشار الفنان هاني رمزي إلى أنه في حال توجه للإنتاج الفني للجيل الحالي سينتج لفنانين كوميديا لحاجة الناس إلى الكوميديا، موضحًا: الناس محتاجة لكوميديا وكل اللي شغال دلوقتي تراجيدي وأكشن والناس في احتياج للضحك وأشد الحاجة للضحك، والنهاردة في الظروف الحالية بندور على حاجة ترفع الروح المعنوية للناس وده واجب وطني إنك ترفع من الروح المعنوية للناس، ولو هنتج هجيب حمدي الميرغني وتوته وعلي ربيع وأوس أوس.
فيلم غبي منه فيه
وكان فيلم غبي منه فيه من بطولة: الفنان هاني رمزي، ونيللي كريم، الراحل حسن حسني، الراحل طلعت زكريا، عبد الله مشرف، والعمل عرض عام 2004، وهو من تأليف أحمد عبد الله، وإخراج رامي إمام.
