اتمنيت أمثل بسبب شاهد ماشفش حاجة.. وفيلمي سبّب لي أزمة مع الليبيين | أبرز تصريحات هاني رمزي
تحدث الفنان هاني رمزي عن علاقاته بزملائه في الوسط الفني مثل الفنانة منة شلبي، والفنان محمد سعد، كما كشف تفاصيل أزمته السابقة مع الشعب الليبي بسبب فيلم عمر المحتار، بالإضافة إلى عدة موضوعات أخرى.
أبرز تصريحات هاني رمزي التليفزيونية
- محمد سعد كان زميلي في المعهد وشوفته بيمثل الكوميدي والتراجيدي وهو ممثل تقيل وقوي جدًا.
- فراق أبويا أكبر مأساة في حياتي هو السند وأنا محتاجه في كل لحظة وقال لي قبل وفاته إن حملي هيبقى تقيل.
- محمد سعد ممكن يكون مقصرا في حق نفسه في اختيار الشخصيات التي بيأديها لكن لما غيّر ده في فيلم الكنز أبهرنا كلنا.
- فيلم عمر المحتار اتسبب لي في أزمة مع الشعب الليبي وجالي اتصالات كتير من بعض الأشخاص الليبية اللي انزعجوا منه.
- إحنا مقصدناش الإساءة أو السخرية للقائد العظيم عمر المختار لأنه رمز من رموزنا.
- منة شلبي صاحبتي وأختي واتحطت في ضغط كبير جدًا وأنا متواصلتش معاها عشان هي قافلة تليفونها.
- كان قصدنا من اختيار اسم عمر المحتار إن تكون الترجمة على نفس الوزن عشان الاسم جذاب.
- أهل بورسعيد مزعلوش مني بسبب فيلم أبو العربي وكان في استقبال وكرم كبير وطلعت إشاعات كتير مش صح.
- لما لقيت استياء من الشعب الليبي اعتذرتلهم وغيرت اسم الفيلم واستقرينا على اسم مؤقت وهو شقاوة أون لاين.
- عادل إمام كاريزما وزعيم ووسط النجومية والمجد اللي هو فيه إلا إنه بسيط جدا ومتواضع.
- عادل إمام كان سعيدا بـ فيلم غبي منه فيه وأسرتي صديقة لأسرته والعلاقة قوية بينهم.
- اتمنيت إني أمثل بسبب مسرحية شاهد مشفش حاجة.
- أيام فيلم صعيدي في الجامعة الأمريكية كانت حلوة أوي وكان في شغف وطاقة وبعده كان نجومية كل الناس اللي شاركت فيه.
- أنا معنديش مانع أطلع ضيف شرف لزملائي واعتبر ده مجاملة لزملائي في الوسط الفني.
