ميدو: ما فعله الحضري عبث ولا يليق بتاريخه.. وأبارك لمصر رحيله
انتقد أحمد حسام ميدو، نجم الكرة المصرية السابق، طريقة رحيل عصام الحضري عن تدريب حراس مرمى المنتخب الأولمبي، والانضمام لجهاز المنتخب السوري.
تصريحات أحمد حسام ميدو
وقال ميدو في تصريحات تلفزيونية: ما حدث من عصام الحضري مدرب حراس مرمى منتخب مصر الأولمبي السابق، لا يليق، طريقة رحيل عصام الحضري لم تكن جيدة.
وأضاف أحمد حسام ميدو: رحيل الحضري بهذه الطريقة عن المنتخب الأولمبي لا يليق بتاريخه، وإعلان الاتحاد السوري التعاقد مع الحضري قبل الاتحاد المصري لكرة القدم عبث.
وتابع ميدو: مش إحنا اللي يتعمل معانا كدة، إحنا اللي أسسنا الكورة في أفريقيا ومنتخب مصر هو اللي صنع اسمنا كلنا، وكان لازم الحضري يحترم الناس اللي جابته واتعاقدت معاه وكان لازم يخرج من الباب الكبير.
ووجه أحمد حسام ميدو التهنئة للجهاز الفني لمنتخب مصر الأولمبي بقيادة ميكالي، بعد رحيل عصام الحضري عن منصبه كمدرب لحراس مرمى المنتخب الأولمبي.
وقال ميدو في تصريحاته: أبارك للجهاز الفني للمنتخب الأولمبي برحيل عصام الحضري، لأن عصام الحضري مش مركز في الشغلانة مع المنتخب الأولمبي، ممكن يكون معاك حد أقل إمكانيات وقلبه معاك، ومركز معاك بس، أحسن بكتير ما يبقى معاك حد مش مركز.
وأكمل ميدو: عصام الحضري كان بيدور على شغلانة تانية طول الفترة اللي فاتت لأنه كان مستقل شغلانة المنتخب الأولمبي، والحضري كان مُشتت، لذلك أبارك للجهاز الفني للمنتخب الأولمبي وأبارك لمصر.
واختتم: أحسن مليون مرة تجيب حد صغير وعنصر شاب ويكون مركز مليون في المية معاك، لكن اللي مش مركز معاك ده ممكن يعملك مشكلة كبيرة زي اللي حصل بين الحضري وميكالي.
