الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

زوج علا غانم: قبل ما ترجع مصر بـ 7 أيام قضينا عيد جوازنا في لاس فيجاس

رجل الأعمال عبد العزيز
فن
رجل الأعمال عبد العزيز حسن زوج الفنانة علا غانم
الثلاثاء 07/فبراير/2023 - 09:30 م

قال رجل الأعمال عبد العزيز حسن، إنه لم يكن هناك خلاف بينه وبين زوجته الفنانة علا غانم، قبل مغادرتها أمريكا محل إقامتهما وعودتها لـ مصر مرة أخرى، مُشيرًا إلى أنها لم تطلب الانفصال عنه من قبل، معربًا عن أسفه لما حدث خلال الفترة الماضية من خلافات ورفعها قضية خلع، واتهامها له بطردها والتعدي عليها.

وأضاف حسن عبد العزيز زوج الفنانة علا غانم، في بث مباشر لـ القاهرة 24: كان في خلافات عادية جدًا بين زوج وزوجته وكنا عايشين في أمريكا وكله تمام، وبعد عيد جوازنا اللي هو 23-9 مباشرة قالتلي عايزة أنزل مصر علشان أعمل أسناني، وأجيب معايا بنتي فريدة ومكنش فيه أي مشكلة بينا نهائيًا، قولتلها مفيش مشكلة وجت مصر يوم 1 في الشهر، وقطعت كل المكالمات والرسائل واختفت.

وأضاف زوج علا غانم، أنه تواصل مع المحامي الخاص به ليوضح له وضع زوجته بعد انقطاع الاتصال بينهم، قائلًا: حسيت إن في حاجة غلط وكلمت المحامي بتاعي قولتله إن في حاجة غلط وهما شافوا على الإنترنت لقوا إن علا بتعمل قضية خلع، والمحامي راح على المحكمة وقدم أوراقه وأثبت إني مش موجود في البلاد، وبالفعل القاضي رفض القضية لأني مش موجود.

وتابع زوج علا غانم، أنها أقامت دعوى خلع أخرى بعد رفض الدعوى الأولى، معلقًا: رفعوا قضية تانية مستعجلة وقالوا إن أنا موجود في مصر في بيت والدتي، وبرضو المحامي بتاعي راح المحكمة وحاول إنهم يكملوا القضية وكلمني إني لازم أجي علشان أقابل الشيخ، وجيت مصر يوم 1-1-2023 وقابلت الشيخ وقولتله أنا شاري مراتي، ومش عايز أطلقها وقالي خلاص إديني يومين وأنا هكون على اتصال معاك، وكلمني قالي إنها رافضة وعايزة تطلق، وجاتلي مكالمات وكل المحاولات فشلت.

زوج علا غانم: قبل ما تسافر قضينا عيد جوزانا في لاس فيجاس

وأكد رجل الأعمال عبد العزيز حسن، أنه قضى عيد زواجه برفقة زوجته الفنانة علا غانم في مدينة لاس فيجاس بالولايات المتحدة الأمريكية، وأنه لم يكن هناك أي خلاف بينهم، موضحًا: اللي أنا مستغرب منه لما إنتي يا علا بقالك سنة ونص بتحاولي تطلقي زي ما بتقولي مع إن ده مش حقيقي، طب ليه مطلقتنيش في أمريكا مع أنه أسهل وبياخد 6 شهور وكل واحد بيروح لحاله، ليه خبيتي عليا وجيتي على مصر وبقالك سنة ونص بتعملي كده؟ وقبل ما تسافر بـ 7 أيام قضينا عيد جوازنا في لاس فيجاس ومعايا ما يثبت ذلك من فاتورة فندق وفيديو.

تابع مواقعنا