سولاف فواخرجي عن تبرعها لضحايا الزلزال: ناس كانوا في بيوتهم آمنين ولقوا نفسهم في الشارع وتحت الأنقاض
أعربت الفنانة السورية سولاف فواخرجي عن أسفها لما نتج عن الزلزال الذي تعرضت له البلاد لـ جنوب تركيا وشمال سوريا بقوة 7.8 درجات على مقياس ريختر، والذي أسفر عنه العديد من الضحايا والدمار.
وقالت سولاف فواخرجي، في تصريح خاص لـ القاهرة 24، عن الفاجعة التي تمر بها سوريا حاليًا: الحمد لله عايشين بس مش كويسين ومفيش حد فينا كويس، الحمد لله على كل حال وقدر الله وما شاء فعل، اللهم لا اعتراض.
ده واجبنا كمواطنين سوريين قبل ما نكون فنانين
وعلقت سولاف فواخرجي، على رد فعل الجمهور بعدما تبرعت وزوجها السابق بـ 21 مليون ليرة سورية، لصالح الأهالي المتضررين من الفاجعة، قائلة: أنا معملتش حاجة وده واجبنا كمواطنين سوريين قبل ما نكون فنانين ومفيش شكر، ده الشيء الطبيعي وأتمنى كل الفنانين وكل الناس اللي يقدروا يتبرعوا حتى لو بـ أقل حاجة، لأن أقل حاجة في الظرف الصعب ده بتفرق، ويا رب الناس كلها تساهم مش بس كلام، وأي حاجة ممكن تفرق مع أي حد في الشارع دلوقتي بردان ومن غير مأوى ومن غير أكل ومن غير هدوم، ناس كانوا في بيوتهم آمنين لقوا نفسهم في غمضة عين في الشارع.
وأردفت قائلة: صورة صعب الناس تقبلها ولسة في ناس تحت الأنقاض، ربنا يرحم اللي راحوا ويشفي المصابين ونقدر ننقذ أكبر عدد من الناس اللي تحت الأنقاض وأملنا بالله كبير جدًا.
وأضافت سولاف فواخرجي، أن الدول العربية ومصر حريصة على تقديم الدعم لـ سوريا، موضحة: الناس بتعمل كل اللي عليها والناس على الأرض في الأزمة دلوقتي السورييين متكاتفين بشكل رهيب، والدول العربية معانا ومصر معانا، وربنا معانا ودي أهم حاجة، وكل الكلام قليل أمام الفاجعة دي.
سولاف فواخرجي تتبرع بـ 21 مليون ليرة لـ ضحايا الزلزال
وسبق وأن أعلنت نقابة الفنانين في سوريا، عن تبرع الفنانة سولاف فواخرجي وزوجها السابق وائل رمضان بمبلغ 21 مليون ليرة سورية، بما يعادل 89743 جنيهًا مصريًا، بسبب الفاجعة التي تمر بها البلاد حاليًا، بعد حدوث الزلزال.
