كريم العدل: اتخضينا من ردود الأفعال على مسلسل أزمة منتصف العمر.. وجميع المشاهد كُتِبت بـ عناية
أعرب المخرج كريم العدل، عن سعادته الكبيرة بنجاح أجدد أعماله مسلسل أزمة منتصف العمر، بطولة الفنانة ريهام عبد الغفور وكريم فهمي، مؤكدًا أن جميع مشاهد العمل تم كتابتها بعناية شديدة.
وقال كريم العدل، عن نجاح مسلسل أزمة منتصف العمر، في تصريحات تليفزيونية: أنا بحس إن العمل نجح زي النجم ما بيحس بنجاحه، لما بحس بالجدل اللي حصل حوالين العمل وردود الأفعال، والناس بتتكلم على نجاح النجم في تأدية الدور، لكن لو اتكلموا على المسلسل ككل، ده بيرجع لتركيبة العمل، وأنا الحمد لله مبسوط جدًا بردود الأفعال.
كريم العدل: تمنيت نجاح مسلسل أزمة منتصف العمر ولم أتوقع نجاحه
وأكد كريم العدل، أنه تمنى نجاح مسلسل أزمة منتصف العمر، ولم يتوقع نجاحه، موضحًا: تمنيت النجاح ولم اتوقعه، ومتوقعناش النجاح من أولى الحلقات زي ما حصل، واتخضينا من أول حلقتين بردود الأفعال.
وأوضح المخرج كريم العدل، أن جميع مشاهد مسلسل أزمة منتصف العمر تم كتابتها بعناية، قائلًا: كل كل حاجة أتعملت في المسلسل مفيش نظرة ورد فعل الشخصية خلال الأحداث كلها مكتوبة في السيناريو.
وأضاف: كان في بروفات الترابيزة عملناها قبل ما نبدأ تصوير، وكان كل فريق العمل بيقول اقتراحاته ووجهة نظره، وبناخد أحسن حاجة نقدر نوصل بيها للي عايزينه.
