بسمة داوود عن مشاركتها في مسلسل جروب الدفعة: الشخصية معلمة مع الناس وده توفيق من ربنا
تحدثت الفنانة بسمة داوود، عن مشاركتها في مسلسل جروب الدفعة، معربة عن سعادتها الكبيرة بمشاركتها به وردود الأفعال الإيجابية التي تلقتها من الجمهور.
وقالت بسمة داوود عن مسلسل جروب الدفعة خلال تصريحاتها مع القاهرة 24: المسلسل ده من المسلسلات الحلوة أوي لأن إحنا كجروب دفعة مكناش نعرف بعض في البداية وخلال الكواليس بقينا أصحاب أوي وعلاقتنا بقت كويسة جدًا ولسة عندنا جروب الدفعة لغاية دلوقتي بنتكلم عليه، ومن الأعمال اللي أنا مبسوطة فعلًا إني شاركت فيها.
أما عن من رشحها لـ مسلسل جروب الدفعة، فقالت: مش عارفة مين رشحني لـ جروب الدفعة، ولكن اللي أعرفه إن المخرج كان مقتنع بيا جدًا في الدور ده واتكلمنا مع بعض وطلعنا مواصفات ونقاط كويسة أوي للشخصية، بالتالي إحنا الاتنين اقتنعنا إن الدور مناسب ليا.
كما علقت بسمة داوود، على ردود أفعال الجمهور الإيجابية على شخصيتها وأدائها بـ مسلسل جروب الدفعة، قائلة: أنا متعودة إن أي عمل بدخله بعمل اللي عليه فيه والباقي بتاع ربنا، ونجاحي في إني أحس إني اجتهدت ورعيت ربنا في شغلي وعملت الشغل بالطريقة اللي ترضيني، والحمد لله التوفيق من عند ربنا إن المسلسل لسة بيتعرض والردود أفعال الناس إيجابية والشخصية معلمة مع الناس وده توفيق من عند ربنا.
أبطال مسلسل جروب الدفعة
شارك في مسلسل جروب الدفعة العديد من نجوم الشباب أبرزهم، شيري عادل، محمد عادل، أحمد ماجد، عمرو وهبه، ولاء الشريف وصفاء الطوخي، بسمة داوود، والعمل سيناريو وحوار عمرو أبو زيد، نسمة سمير، محمد علوش، معالجة درامية وإشراف على الكتابة باسم شرف، دعاء عبد الوهاب ومن إخراج محمد عبد السلام.
