أنوشكا: بنعمل أدوار دون أجر أحيانا.. ومعندناش دخل ثابت زي الموظف
تحدثت الفنانة أنوشكا عن صعوبات مهنة التمثيل، مؤكدة أنها ليست أصعب المهن ولكنها أيضًا ليست بسيطة وأحيانًا الفنان يعمل دون أجر.
وقالت أنوشكا لـ القاهرة 24: مقدرش أقول أصعب مهنة ولكنه موهبة والموهبة هدية من الله، ولكنه مش سهل ولو بتحب اللي بتعمله هتعمله بيسر ولكن لو مش بتحبه مهما كان العمل سهل هتعملها بصعوبة.
وواصلت أنوشكا: الفنان ممكن يعمل عمل كبير وبأجر قليل وعمل آخر ربنا يكرمه فيه، وأحيانًا بنمثل بدون أجر كـ مجاملة لـ زميل، والفنان معندوش دخل ثابت زي الموظف أو مكافأة وعلاوة، وممكن نقعد في البيت سنتين لظروف خارج إرادتنا، ورزقنا على الله.
كما تطرقت أنوشكا للحديث عن مشاركتها كـ عضو لجنة تحكيم في برنامج الدوم لاكتشاف المواهب، قائلة: الواحد طول الوقت مش عايز يغلط، وشايل المسئولية لأنها مش مسئولية نفسي فقط بل مسئولية آمال ممكن تتحطم أو تتحقق من المتسابقين، ولكن في الآخر أحنا في لجنة تحكيم الدوم بيكون فيه عدد معين ونظام معين وأنا بعتبر أن قد ما فيه آمال متعلقة مينفعش الواحد يفتكر أنه علشان خرج من المسابقة أنه مش كويس بل بالعكس السنادي مفيش فروقات كبيرة.
آخر أعمال أنوشكا
وعلى جانب آخر، شاركت أنوشكا في العديد من الأعمال الفنية التي حققت نجاحا كبيرا، من بينهم مسلسل راجعين يا هوى، بالتعاون مع خالد النبوي.
