أحمد شوبير: الأهلي دخّل نفسه في دوامة.. ولابد من الفوز بجنوب إفريقيا
علق الإعلامي أحمد شوبير، على تعادل الفريق الأول للنادي الأهلي أمس، أمام صن داونز الجنوب إفريقي، بهدف لكل فريق في بطولة دوري أبطال إفريقيا.
وقال أحمد شوبير، خلال تصريحات إذاعية: اللي حصل للنادي الأهلي صدمة، نعم هو لم يخسر، ولكن كان قدامه يكسب، وأضعف موقفه بإيده في المجموعة، في ظل المنافسة الصعبة للغاية.
وأضاف شوبير: شفنا التشكيل والأداء، يعني بيرسي تاو لعب في مركز المهاجم، والحقيقة أنا عندي وجهة نظر ممكن تشرك تاو في المركز ده لو معنكش لكن الدنيا حلوة وعندك كهربا ومحمد شريف وشادي حسين، وشفنا إن الشكل اتغير الشوط الثاني لما كهربا لعب مهاجم.
وأكمل: الأهلي تقريبا مظهرش منه حد كويس غير مروان عطية وحسين الشحات ومحمد عبد المنعم ومحمد الشناوي، غير كدا مافيش بصراحة.
وأوضح نجم الأهلي الأسبق: الأهلي دخل نفسه في دوامة ملهاش أي لازمة على الاطلاق، المباراة كانت في إيدك وأهدرت فرصة بشكل غيريب جدا، وكمان التشكيل كان غريب بصراحة وكان قادر على الظهور بشكل أفضل من كدا.
لابد من فوز الأهلي في جنوب إفريقيا
وأردف شوبير: كولر اتصرف الشوط الثاني بشكل كويس، رغم إن التغييرات متأخرة جدا، وكان ممكن يخطف لو أحسن استغلال الفرص، وجالك كمان ركلة جزاء وضيعتها وبعدها اتقدمت في النتيجة المفروض تقفل الجيم ولكن لم يحدث ذلك.
وشدد في نهاية حديثه قائلا: الأهلي محتاج يفوز على القطن الكاميروني في القاهرة، وبعدها يفوز خارج ملعبه على صن داونز، في جنوب إفريقيا، وبعد كدا يفوز على الهلال في القاهرة، ونقول مبروك عليه، ولكن غير كدا صعب جدا، لو لم يفز على صن داونز في جنوب إفريقيا الأمور هتتصعب بشدة.
