خالد الصاوي: هلعب جوكر بـ 4 أعمال في رمضان 2023.. ودوري في سره الباتع مفاجأة
أكد الفنان خالد الصاوي، مشاركته في 4 أعمال بموسم رمضان 2023، موضخا أنه سيظهر بأدوار مختلفة عن بعضها.
وقال خالد الصاوي خلال لقائه في برنامج Insider بالعربي: طلعت الغل بتاعي في 4 أعمال مع بعض.. أنا السنة دي هلعبها جوكر، إنك تشوفي 4 شخصيات مختلفة وفي 4 أعمال حلوة.
وعن مشاركته في مسلسل سره السلطان مع المخرج خالد يوسف، ذكر: أنا سعيد بالعمل مع خالد يوسف.. هو مخرج له بصمة مهمة جدًا جماهريًا ونقديًا.. متحدي لنفسه وعنده رأي.. مشينا مع بعض في الفن ومشينا مع بعض في المظاهرات.. أنا بحب خالد يوسف.
وتابع خالد الصاوي: دوري مفاجأة وأنا مُرتبط بالشخصيات دي لأنها في وصف مصر، الموسوعة اللي سابتها الحملة الفرنسية من الرسومات ومن الشرح اللي بيتناول الثقافة المصرية، الشخصيات دي محفورة في دماغي، فكانت فرصة عظيمة.
كما تحدث خالد الصاوي عن مشاركته في كتيبة 101، قائلا: عمل بطولي عن مكان أنا روحت زورته وزرعنا فيه بإيدينا شجر زيتون باسم كل شهيد، في الأعمال اللي من النوع ده مش بنبص للأجر ولا للتتر، لأن الناس اللي بنتكلم عنهم خدموا بالدم.
كما أوضح الصاوي أنه يشارك في مسلسل جت سليمة مع الفنانة دنيا سمير غانم في رمضان 2023، معلقًا: أشارك بدور الملك طمعان مع دنيا سمير غانم ومحمد سلام في مسلسل جت سليمة، في حاجة بتحصل لدنيا بترميها في زمن ومكان ما يسمى أرض النعام وهي مملكة أسطورية فيها الملك طمعان اللي هو أنا.
