أحمد شوبير: ليه أعضاء مجلس الزمالك مكهربين الدنيا؟.. بلاش لف ودوران
علق الإعلامي أحمد شوبير، عن ما يدور في الوقت الحالي داخل نادي الزمالك، وقرار وزارة الشباب والرياضة بالمطالبة بتعيين رئيس نادي مؤقت من بين أعضاء مجلس الإدارة الحالي لحين إجراء انتخابات على هذا المنصب.
قال أحمد شوبير خلال تصريحات إذاعية: وزارة الشباب والرياضة والمديرية، طالبا مجلس إدارة نادي الزمالك بضرورة إرسال اسم المفوض للقيام برئاسة النادي خلال المرحلة المقبلة وتحديد موعد الترشح للانتخابات على مقعدي رئاسة النادي والنائب.
أضاف شوبير: مش عارف أعضاء مجلس الزمالك، مكبرين العملية ليه، ما تختار اسم مؤقت يدير النادي ومشي اللوائح وخلي الدنيا تشتغل، اللي يترشح بعد كده بقى يترشح.
أوضح نجم الأهلي الأسبق: طب ليه أعضاء الزمالك مكهربين الدنيا؟ هو مش فيه لائحة ليه هنلف وندور، الموضوع بسيط جدا من غير كل الكلام اللي بيتقال ده، والموضوع واضح وصريح.
أحمد مرتضى ينفي وجود خلافات داخل النادي
وكان أحمد مرتضى منصور، عضو مجلس إدارة النادي الأبيض، نفى وجود أي اختلافات أو انقسامات داخل مجلس الإدارة، مشددًا على أن مرتضى منصور سيعود لرئاسة نادي الزمالك بشكل طبيعي بعد 26 يوما.
وقال أحمد مرتضى في تصريحات تليفزيونية: في هذا الموقف ربنا يصبرنا، الوالد مش صغير، سنه 71 سنة، الظروف مختلفة والموقف مختلف لكن ده ابتلاء من عند ربنا وربنا يصبرنا إن شاء الله.
