سمية الخشاب: أنا ملكة حياتي من غير جواز.. ونفسي في راجل حقيقي مش مجرد شكل
كشفت الفنانة سمية الخشاب إمكانية زواجها مرة أخرى، مؤكدة أن حياتها أفضل وهي عازبة، بجانب الحديث عن مواصفات رجل أحلامها.
وقالت سمية الخشاب، في تصريحات تليفزيونية: أنا كويسة من غير زواج ولكن لو ربنا عايز كدا مش هعترض، ومش هتفرق اتجوزت كام مرة كلها أرقام وأنا قلبي مش بيدق بسهولة إلا لو لقيت شخص شبهي وفيه بيننا كيمياء، ولكن الحياة أحلى من غير زواج ومفيش حد ينكد عليا.
وواصلت سمية الخشاب: أنا نفسي في راجل حقيقي أحس معاه بالأمان؛ لأن صعب في الأيام السودا دي نلاقي راجل بجد مش مجرد شكله راجل، وأنا كل اللي اتجوزتهم رجالة محترمين وربنا يوفقهم في حياتهم، ومش بحب فكرة إن الست تكون العصمة في إيدها ومعتقدش إني هعمل كدا.
وسبق وعلقت سمية الخشاب على مقارنتها بـ عارضة الأزياء الشهيرة جورجينا، وقالت في تصريحات تليفزيونية سابقة: أنا أحلى من جورجينا لأني جميلة ودمي خفيف، ومفيش واحدة زي سمية الخشاب ولا واحدة زي جورجينا، وأنا عمري ما كنت بغير من أي ست لأن ربنا خلقني جميلة وجذابة وفيا كل حاجة، يبقى أغير ليه؟ وممكن ست تكون شكلها حلو بس هل هيبقى دمها خفيف زيي؟
آخر أعمال سمية الخشاب
وعلى جانب آخر، حققت سمية الخشاب نجاحا كبيرا بمسرحيتها كازينو بديعة، بالتعاون مع العديد من الفنانين، من بينهم إيمي طلعت زكريا وعلاء مرسي.
