المنتج إبراهيم حمودة: وبينا معاد دخل قلوب الناس.. وشخصية نادية كانت مصعبة المسلسل
أعرب المنتج إبراهيم حمودة عن سعادته الشديدة بنجاح مسلسل وبينا معاد بطولة الفنانة شيرين رضا، والفنان صبري فواز.
وحل أبطال مسلسل وبينا معاد ضيوفًا على برنامج صاحبة السعادة، والذي تقدمه الفنانة إسعاد يونس، وقال إبراهيم حمودة: الجمهور في مصر عند شفره متتنوعة طوال الوقت، ولما تقدر تفكها تخش قلوبهم بعمل مختلف، وكانت الناس حابه تشوف اللي جوه البيوت، وطرق التربية المختلفة.
وتابع المنتج إبراهيم حمودة: الحقيقة اللي كان مصعب المسلسل شخصية نادية، اللي قدرت تقفل على نفسها السنين الكتير، وإزاي تبقى واقعية، ونقنع الجمهور إزاي هترتبط براجل تاني، فا الطبيعي إنه يبقى ابن الناس زي شخصية صبري فواز، والتحدي الكبير إن إحنا ننقل من أبو العروسة الطبقة المتوسطة للطبقة العالية، والناس شافت نفسها وولادها، علشان كده الجمهور كان قاعد مبسوط ومرتاح
شيرين رضا: كنا صادقين في مسلسل وبينا معاد واشتغلنا بقلب
وكانت تحدثت الفنانة شيرين رضا عن سبب نجاح مسلسلها وبينا معاد، حيث قالت: علشان كلنا كنا صادقين واشتغلنا بقلب، مش علشان سبوبة أو نتشهر، كل حد دخل في شخصيته مسابوش، فا الناس صدقتنا، أنا غير نادية خالص، كنت خايفة منها في الأول، وكان في مسئولية كبيرة، وفي ناس كتير في الموقف ده، ومحبتش نادية في الأول، وعمري ما طلعت بره نادية، حتى في اللطافة بتبقى بردو سخيفة، مكنش عندها وقت إنها تغير طريقتها.
