منعم يوسف يخطئ أمام لجنة تحكيم الدوم.. وأنوشكا: لما الإحساس بيوصل الخطأ بيعدي
أخطأ المتسابق منعم يوسف، أمام لجنة تحكيم برنامج الدوم الموسم الثاني، أثناء تقديمه أغنية خليني ذكرى، في مرحلة التصفيات نصف النهائية.
وحرص الشاعر أمير طعيمة عضو لجنة تحكيم برنامج الدوم في فئة الغناء، على توجيه الدعم للمتسابق منعم يوسف، قائلًا: قلبة وشك علشان الغلطة البسيطة اللي غلطتها ده علشان أنت عارف إنك جامد ومفيش حد مبيغلطش وده مش خطأ غنائي، أنت حسيت بالمسؤولية بس اللي أنا ملاحظه إنك مركز أوي زيادة النهاردة، والتركيز الزيادة ده مش دايمًا حلو، ولكن أنا مبسوط إنك لما غلطت عاقبت نفسك وهعتبر نفسي مسمعتش حاجة غلط.
بينما علقت الفنانة أنوشكا على خطأ المتسابق منعم يوسف، قائلة: ساعات لما المطرب بيخطئ خطأ صغير خارج عن إرداته بيكون هو بس اللي حاسسها، ولما تكون أنت بتغني أغنية من أصعب الأغاني الإحساس لما بيوصل الخطأ بيعدي، وإحساسك جميل.
لجنة تحكيم فئة الغناء في برنامج الدوم
وتشكلت لجنة تحكيم الغناء في برنامج الدوم لاكتشاف المواهب الموسم الثاني من: الفنانة أنوشكا، والفنان حميد الشاعري، والشاعر الغنائي أمير طعيمة.
برنامج الدوم لاكتشاف المواهب
وتشهد النسخة الثانية من البرنامج توسعًا وتنوعًا في المسابقات بإتاحة الفرصة للموهوبين في مجالي الفنون التشكيلية والعزف الموسيقي للمشاركة في مسابقات متخصصة في البرنامج، بالإضافة إلى مسابقات الغناء والتمثيل والتقديم التليفزيوني للتنافس أمام لجان تحكيم من الخبراء المتخصصين في كل مجال.
