الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

طارق السيد لـ القاهرة 24: مباراتنا أمام منتخب السويس شهدت فضيحة تحكيمية.. والحكم قال لي أنا مسنود

طارق السيد المدير
رياضة
طارق السيد المدير الفني لفريق النصر
السبت 18/مارس/2023 - 12:20 ص

عبر طارق السيد، مدرب فريق النصر في دوري الدرجة الثانية، عن استيائه بسبب الفضيحة التي حدثت بمباراة فريقه أمام فريق منتخب السويس.

تصريحات طارق السيد

وقال المدرب طارق السيد في تصريحات خاصة لـ القاهرة 24: اللي حصل انهاردة فضيحة كروية تحكيمية غريبة، متتخب السويس كان مغلوب 2-1 والماتش كان شغال كويس جدًا، ولكن الحكم بوظ كل حاجة، وكلامي مش موجه لـ نادي منتخب السويس ولا جماهير السويس، لكن موجه لـ الخطأ التحكيمي الفادح.

وواصل: المشكلة عندي مش عشان بس اتفرج على الهدف في الموبايل، المشكلة إن الحكم حسب الجون وبعد كدا قال محسبتشوش.

وأضاف: والجهاز الإداري لنادي السويس كان بيعترض وزعلان، ولو انت حكم وعندك ضمير وبتقول إن انت محسبتش الجون من الأول، طيب الجهاز الفني لـ السويس بيعترض ليه.

وأكمل: منتخب السويس هو اللي انسحب 15 دقيقة من اللقاء، ومكنوش راضيين يلعبوا، مش فريقي، وفيه صورة بتبين أن الحكم لما دخلنالو الأوضة بعد اللقاء، قال لينا إن احنا اللي انسحبنا واحنا الـ مكناش راضيين نكمل المباراة، وإن هو محسبش الكورة جون.

وأوضح: جهاز منتخب السويس قال لـ الحكم، لو حسبت الكورة جون مش هتخرج من الملعب.. وفيه صورة بتبين إن الجهاز الإداري لمنتخب السويس بيديلو الموبايل وبيقولوا شوف الكورة إذا كانت لمسة يد أو مش لمسة يد.

واستطرد: الحكم أخد الموبايل وشاف الصورة، وقال مش هحسب الجون، ثم لاعبين السويس نزلوا أرضية الملعب مرة تانية.. والحكم قال لي أنا مسنود ومحدش يقدر يقرب مني.

تابع مواقعنا