ياسمين عز تعلن استمرار عرض برنامجها في رمضان: هتشوفيني على قلبك
أعلنت المذيعة ياسمين عز استمرار عرض برنامجها في شهر رمضان، مؤكدة أن برنامجها ليس برنامجًا عن المقالب.
وقالت ياسمين عز خلال حلقة اليوم من برنامجها كلام الناس عبر شاشة mbc مصر: البرنامج ده مش مقلب ده برنامج حقيقي وفرعوني والمقلب الحقيقي إنك تعتقدي أنك مش هتشوفيني في رمضان ولكن هتشوفيني على قلبك لازم أطل عليكي في رمضان.
كما نصحت ياسمين عز السيدات بعدم تخزين الأغذية في شهر رمضان، قائلة: عندنا عادة لازم نبطلها وهي الفرزنة، وإنك تفرزني كل حاجة في الفريزر علشان تجهزيها وتتبلي 20 كيلو من البانيه وتحطها في الفريزر، فاضل تفرزني الضيوف، حتى حوسة رمضان ما بقاش فيها بركة بلاش افترى وخلي اليوم بيومه محدش ضامن عمره.
من ناحية أخرى نصحت ياسمين عز السيدات بالاهتمام بنظافة الزوج، قائلة: زي ما بدي دروس في تفخيم الزوج في دروس تنضيف الزوج.
وأضافت ياسمين عز: نضفي وادعكي ورا ودن جوزك.. أنت بريمو في النضافة كلور رايح وديتول جاي وبتيجي عند ورا ودن جوزك وبتكسلي.
وتابعت: بتشوفي زوايا وشراشيب وأبعاد السجادة ومش بتشوفي ورا ودن جوزك.. يا ريت تهتمي بأدق التفاصيل هو نضيف من قاعه لقمته، ولكن في حتة الماس في عوامل خارجية ممكن تلوثها نهتم بيها علشان هو واجهتك الراجل بيعبر عن بيته لو هو نضيف يبقى مراته نضيفة.
