معاناة أهالي عزبة السراج في الدقهلية بسبب الصرف الصحي: المياه غرقت بيوتنا خايفين على ولادنا | صور
محافظات
جانب من تجمعات مياه الصرف الصحي
معاناة حقيقة يعيشها أهالي عزبة السراج بمدينة المنصورة في محافظة الدقهلية، بسبب تجمعات مياه الصرف الصحي في الشوارع حتى وصلت إلى المنازل.
خايفين على ولادنا.. معاناة أهالي عزبة السراج في الدقهلية بسبب الصرف الصحي: المياه غرقت بيوتنا
والتقى القاهرة 24 أحد الأهالي، وقال: احنا بنموت كل يوم بسب رائحة المياه ومش عارفين نمارس حياتنا بشكل طبيعي، من شهر ديسمبر الماضي وبدأت معانتنا بسبب إن حصل كسر في المواسير الخاصة بالصرف والمنطقة كلها شغالة على غطاسة واحدة وتقدمنا بكذا شكوى لجميع المسؤولين ولكن لا توجد أي استجابة منهم.
وأضافت سيدة من الأهالي: أنا زوجي عنده بتر في رجله وكان بينزل يبيع حلويات قدام البيت علشان يأكلنا ولكن بسب تجمعات مياه الصرف الصحي معتش بينزل يفرش وتعبنا حتى مش عارفين نروح بيه المستشفى.
وطالب الأهالي بسرعة التدخل وحل مشكلة تركمات المياه، وقال أحدهم: احنا خايفين على ولادنا، احنا بنموت وبناشد كافة المسؤولين بحل المشكلة.
