حلقة رامز جلال مع أحمد السقا.. البليلة والزمالك وأكل الثعبان
حلّ الفنان أحمد السقا ضيفًا في برنامج رامز نيفر إند، من تقديم الفنان رامز جلال الذي يُعرض على شاشة إم بي سي طوال شهر رمضان.
وبدأ رامز جلال الحلقة بالسخرية من أحمد السقا فور وصوله الرياض، قائلًا: معانا النهاردة أحمد السقا فارس الأكشن اللي مش بيقول لأ، اللي صب غضبه دفاعًا عن شرف ليلى علوي، وغيّر مفهوم الأكشن في مصر وغيّر صابونة ركبته ومحرمش، ولازم نوقفه عند حده، ونعرفه إن فتحة الصدر لها حدود.
وواصل رامز جلال سخريته من أحمد السقا، قائلًا: بيقول عليكم السلام هو نازل نزلة السمان؟ أحمد السقا مش بيتعب وبيشتغل بـ طيارات، وبيسمي قبل ما يدخل المطعم هو داخل على السفرة ولا إيه؟ السقا عامل باب في سرته وبيقول للمذيعة أنا خاسس 12 كيلو أنت بتتقدملها ولا إيه؟ الحقي يا مها، والسقا طالع على المسرح كأنه داخل ياخد جائزة نسل الأغراب.
قصائد أحمد السقا في برنامج رامز جلال
وألقى السقا قصيدة من تأليفه في برنامج رامز جلال، قائلًا: صباح الخير يا شمس ومساء الخير يا أمس ويا سلام عليك يا بكرة ولو تبدأ بهدوء وتنتهي بالأمس، وعلق رامز جلال ساخرًا: هو أنت بتكلم صاحبتك ولا إيه؟ بلاش السيرة دي.
وكشف رامز جلال عن السر وراء سخريته من زملائه في برنامجه، قائلًا: أكل العيش مفهوش صحوبية المهم أدفع الأقساط اللي عليا، وبقوله لو أحمد السقا إبراهيم الأبيض أنا أزعرينا.
كما سخر رامز جلال من تشجيع أحمد السقا لـ نادي الزمالك، قائلًا: إزاي أحمد السقا ميعرفش البليلة الأفغاني دا حتى زملكاوي.
وتحدى رامز جلال السقا بأن يأكل ثعبانًا في البرنامج، وبالفعل نفذ الأخير التحدي، وعلق رامز في صدمة، قائلًا: دا ممكن ياكلنا كلنا دا مجنون يا جدعان.
برنامج رامز نيفر إند
ويذكر أن رامز نيفر إند يقدمه رامز جلال ويُعرض يوميًّا عقب مدفع الإفطار مُباشرة على MBC مصر في تمام الساعة 6:10 مساءً، ويعاد على MBC مصر 1:00 بعد منتصف الليل، ومن المقرر أن يقع عدد كبير من الفنانين والإعلاميين والمشاهير في فخ رامز جلال، من بينهم الإعلامية ياسمين عز.
