حمو بيكا: عمر كمال كان عملي سحر.. واتصاحبنا عشان ميعملش ليا حاجة تاني
كشف مطرب المهرجانات حمو بيكا، السحر الذي تعرض له من عمر كمال، قائلا: عمر كمال عملي سحر واتصاحبنا عشان ميعملش كده تاني.
وقال حمو بيكا في الجزء الثاني من حلقة برنامج العرافة والذي تقدمه الإعلامية بسمة وهبة: عمر كمال كان عملي سحر وصاحبته عشان ميعملش ليا حاجة تاني.
وأضاف حمو بيكا عن عمر كمال: ناشف في الفلوس وممكن يموت لو أدى فلوس لحد، وقالي هجيب ليك تكييف هدية ومجبش حاجة.
ومن جانب آخر، قال حمو بيكا عن قرار مصطفى كامل: مكنتش أعرف يعني إيه رقابة ولا مصنفات، وكنا محتاجين زي مصطفى كامل، ولما دلوقتي الأغنية بتجيب 200 ألف مشاهدة مش بزعل، ومصر كلها بتغني مش احنا بس.
وعن رأيه في الغناء بـ الكباريهات، أضاف بيكا: اه بغني في الكباريهات ولو مش هغني في كباريهات هغني فين؟! وده شغلنا واحنا مش بنعمل حاجة حرام، وربنا بيرزقني ولو ده شغل غلط مكنش حد طلع.
برنامج العرافة
جدير بالذكر أن برنامج العرافة لـ بسمة وهبة يعرض على شاشة قناة النهار، وهو من إخراج إيهاب أبو زيد، ومنتج فني والي ولي الدين، ويترأس التحرير شريف بديع، ويهتم بكشف أسرار الفنانين والمشاهير، إذ يعد من أشهر البرامج في مصر، ويعد استكمالًا لسلسة البرامج التي تقدمها بسمة وهبة في الشهر الكريم من كل عام، والتي تعتمد على كشف أدق تفاصيل النجوم وأسرارهم وإظهار الوجه الآخر في حياتهم.
