السيسي: عايز الناس تفهم إن احنا شغالين في غرب النيل زي شرقه وبالتالي هنحل مشاكل كبيرة جدا | فيديو
قال الرئيس السيسي: اللي يهمني وعايز الناس تسمعه، إن احنا بنتكلم على فيصل والسادات والبراجيل وبنتكلم على منطقة سفنكس، والناس متصورة إن احنا مركزين فقط على شرق النيل اللي هي: المرج والمطرية ومدينة نصر، ومصر الجديدة والسخنة، لكن احنا جينا غرب النيل وكان لا بد إن احنا نشتغل في حوالي 200 كيلومتر وبالتالي هنحل مشاكل كبيرة جدا.
وتابع الرئيس السيسي: محاور غرب القاهرة هتحل مسائلة كبيرة سواء ربط شرق القاهرة بغربها، والنهاردة لو احنا شوفنا حجم العربيات اللي بتتحرك على المحاور دي وخليناها بالطريقة اللي احنا عاملينها هتوفر كتير والمحاور دي تكلفتها قد تكون كتير ولكن هتوفر في استهلاك الوقود وتوفير الوقت وتسهيل الحركة.
وعن محطة بشتيل قال الرئيس السيسي: إحنا شغالين بالتوزاي في حاجه تانية عشان متطلبات المحطة، وحركة الناس، وبنعمل ده لمنطقة شديدة التكدس زي البراجيل وأحمد عربي وإمبابة و26 يوليو اللي خلاص مش متحمل أكتر من كده، لكن احنا بنعمل محور بديل بسعة أكبر زي الفريق كمال عامر والدائري عشان يخدم على كل دول.
