مصطفى حسني: موقع إباحي وصل لـ50 مليون مشاهد في أيام.. والتلفزيون خد 22 سنة لتحقيق ده
قال الداعية الإسلامي، مصطفى حسني، إننا الآن في زمن وباء الإباحية، مضيفا: يمكن زمان كان صعب، فاللي كان عايز يتفرج على فيلم إباحي يبحث عن مكان محدش يشوفه أو في غياب أهله لكن دلوقتي لأ.
مصطفى حسني: أحد المواقع الإباحية أخد 19 يوما علشان يوصل لـ 50 مليون مشاهد
وأضاف مصطفى حسني: هناك أسباب كثيرة وراء ارتفاع معدلات مشاهدة مواقع الإباحية، منها سهولة الوصول عبر الهاتف المحمول، وانقراض العنصر الرافض للإباحية عند بعض الناس، مضيفا: قالوا التلفزيون خد 22 سنة عشان يوصل لـ 50 مليون مشاهد والفيس بوك أخد 3 سنين علشان يوصل لـ 50 مليون مشاهد، وأحد مواقع الإباحية أخذ 19 يوما علشان يوصل لـ 50 مليون مشاهد، لسهولة وصول هذا الموقع على تليفونك أو الجهاز بتاعك.
وتابع مصطفى حسني، خلال تصريحات تلفزيونية: خلاص الموضوع بقى سهل وبسيط الإباحية هتوصل لك عن طريق الموبايل، أو خلافة، دلوقتي في مجتمعات انقرضت فيها كلمة حرام لا يجوز مشاهدة هذه الإباحية، دلوقتي انتشرت في المجتمعات حتى بين الشباب الألفاظ الإباحية وحتى المراهقين كمان بيهزروا بكلام إباحي مفيش حد يقول حرام الكلام ده استغفر الله العظيم.
واستكمل مصطفى حسني: في مجتمعات في ناس عندها ضغط نفسي من ضغوط العمل والحياة بيكون عاوز يعمل ترويح عن نفسه عن طريق الحصول على السعادة عن طريق إفراز هرمون الدوبامين، وكل ده بضغة زر على الموبايل يوصل للنشوة اللي هو عاوزها، دون وازع ديني أو حرمانية.
