محمد سامي بعد نجاح جعفر العمدة: اوعى تتغر بعد نصر الله العدل ليك.. وربنا ينجح كل زمايلي
وجه المخرج محمد سامي، نصيحة لمتابعيه، يؤكد فيها أن نصر الله دائما ما يكون حليفنا، لذلك لا بد أن لا نخاف من التجربة، ونحرص على ملء قلوبنا بالمحبة والخير تجاه الجميع، حتى من أذونا وحاربونا.
ونشر محمد سامي صورة لـ آية من القرآن الكريم، عبر حسابه الرسمي بموقع انستجرام، وعلق عليها قائلا: ما تخافش إنك تجرب وتقول لحسن أقع، لأن نصر الله ليك هيقومك تاني ويخليك تلمس السحاب لو أراد.
وتابع: ماتهتمش لو حصلك في يوم أزمة ولقيت ناس بتشمت فيك، لأن ده بيخلي ربنا يبقي حليفك وينصرك عشان هو العدل، المهم إنه بعد نصره ليك إوعى تتغر وتكون شايل في قلبك كراهية وانتقام تجاه الناس، وحتى الناس اللي حاربوك أو شمتوا فيك.
وأضاف: بالعكس، خلي قلبك مليان محبة وخير، عشان ربنا ينصرك تاني وتالت ودايما، الكراهية بتجيب فشل وعدم تيسير ووقف حال، والمحبة بتجيب نجاح وتيسير وخير ورزق، اللهم اجعل قلوبنا عامرة بالمحبة والخير ونظف قلوبنا من الشر والانتقام.
واختتم سامي حديثه، داعيا الله أن يحقق للجميع أحلامه وطموحاته، وقال: يا رب حقق لكل واحد بيحلم حلمه وطموحه، ومتخليش حد يعيش في كرب بسبب عدم تحقيقه لما يتمني، يا رب ارزق كل الناس ونجحهم وارزقهم التيسير والقبول.
مسلسل جعفر العمدة
على جانب آخر، يعيش المخرج محمد سامي حاليا، فترة من معايشة النجاح الفني، حيث حقق مسلسله جعفر العمدة، الذي يعرض في شهر رمضان الجاري، نجاحا كبيرا، وما زال، وهو من بطولة النجوم: محمد رمضان، إيمان العاصي، مي كساب، أحمد داش، هالة صدقي، وآخرون.
