أحمد فهمي: محمد رمضان عمل أكبر نجاح في رمضان 2023 على الرغم من التربص به
كشف الفنان أحمد فهمي عن رأيه في نجاح مسلسل جعفر العمدة بطولة الفنان محمد رمضان، مؤكدًا إنه أكبر نجاح في الموسم الرمضاني 2023.
وقال الفنان أحمد فهمي خلال ندوته في القاهرة 24: بيتربصوا لمحمد رمضان، وهو مكسر الدنيا السنة ديه، وأكتر مسلسل نجح، والنجاح بيسكت.
وأضاف أحمد فهمي: التريند مقياس لحته معينة، والناس اللي معانا مش مجانين بالسوشيال ميديا، بدليل إن المسلسلات ملهاش رابط، السينما بالإيرادات، و90% بيدفع عشان يبقى تريند، وأنا من الممثلين اللي بتتحرك.
وأكمل أحمد فهمي: في مسلسلات مفيش جدل عليها، لكنه نجح وكسر الدنيا، وأكبر نجاح في رمضان السنة ديه محمد رمضان، هو أنجح مسلسل وأكثر عمل واصل للناس، ومقدرش أقول إيه الأحسن، أقدر أقول إيه الأنجح في رمضان، والأنجح هو مسلسل محمد رمضان.
مشاركة أحمد فهمي في مسلسل سره الباتع
ويشارك الفنان أحمد فهمي في الموسم الرمضاني 2023 بمسلسل سره الباتع، وحقق العمل نجاحًا كبيرًا، حيث تصدر تريند مواقع التواصل الاجتماعي، وضم العمل مجموعة كبيرة من الفنانين ومنهم، أحمد فهمي، أحمد السعدني، حسين فهمي، نجلاء بدر، عمرو عبد الجليل، صلاح عبد الله، هالة صدقي، أحمد عبد العزيز، منه فضالي، أحمد عبد العزيز، محمود قابيل، عايدة رياض، خالد سرحان، شريف حافظ، تسنيم هاني، ميدو ماهر وعدد آخر من الفنانين.
