الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

أحمد السقا: اتبلغت إني هعمل مسلسل حرب قبل رمضان بأيام وكانت مغامرة ممكن تكنس تاريخي

أحمد السقا
فن
أحمد السقا
الأربعاء 19/أبريل/2023 - 05:40 م

كشف الفنان أحمد السقا كواليس مشاركته في مسلسل حرب مع الفنان محمد فراج والمخرج نادر جلال، الذي ينافس به في الثلث الأخير من موسم دراما رمضان 2023.

وقال أحمد السقا خلال حواره مع الإعلامية فاطمة مصطفى في برنامج الراديو بيضحك: مكنش فعلًا عندي حاجة في الدراما الرمضانية السنة دي، وقبل شهر رمضان بأيام معدودة لقيت الراجل بتاعي محمد حسن مدير أعمالي بيكلمني بيقولي عايزك ضروري.

وتابع: في العادي بتاعي لما بيبقى عندي يوم أجازة مش بحب اتكلم في شغل، بروح أتمرن وأركب خيل ومبعملش حاجة تاني.. ولقيته بيقولي عندي مصيبة في البيت ومش هينفع في التليفون.

وأضاف أحمد السقا: روحتله على البيت وقالي كنت قاعد مع فلان وفلان كلموني عشان هنعمل مسلسل في رمضان وهنبدأ تصوير يوم التلات الجاي قولتله أنت بتهزر قالي لا.. فطلبت أقعد مع أستاذ أحمد نادر جلال والمؤلف هاني سرحان تاني يوم الصبح على الأقل يحكولي.

أحمد السقا: الموافقة على مسلسل حرب مغامرة 

وأردف أحمد السقا: وقولت يا واد أنت لو خدت الريسك ده هيبقى حاجة من اتنين يا هتلبس في حيطه ياما هتبقى كنست تاريخك كله ويبقى نقطة ومن أول السطر.. وكانت مغامرة تستحق الريسك.. وبعدين وافقت.. ولكن قولتلهم مش هنصور التلات هنصور السبت.. عشان أكون لحقت أقرأ وأذاكر.

 

 

تابع مواقعنا