دياب: مستحيل أكلم حد أقوله شغلني لأن ده كفر بالنعمة| فيديو
أكد الفنان محمد دياب، أنه من المستحيل أن يطلب عملًا من مخرج أو منتج أو حتى زميل له، مشيرًا إلى أنه يرى ذلك كفرا بالنعمة.
وقال دياب خلال ندوته في القاهرة 24: محصلتش ليا إني طلبت شغل من حد، وأتمنى ما تحصلش لأني مستحيل أكلم حد أقوله عاوز أشتغل ولا حتى لو ابن أختي، لأن السعي بالنسبة لي أذاكر لكن ما ينفعهش يبقى ربنا مانن عليا بالنجاح ده كله وأكلم حد أقوله عاوزة أشتغل ده يبقى كفر بالنعمة.
وعن الأدوار التي يتمنى تقديمها قال: نفسي أقدم كل البني آدمين في الشارع.
دياب يكشف سبب ابتعاده عن الغناء
وكشف دياب سبب غيابه عن الغناء لفترة، قائلًا: قعدت فترة متوقف لأن كان فيه خلافات بيني وبين الشركة اللي بتنتج لي من ساعتها نزلت أغاني وملقتش النجاح اللي دروت عليه إلى جانب أني كنت مشغول بالمسلسلات، وملقتش الغنوة اللي أرجع بيها، وأهم حاجة عندي هقدم إيه، ويا رب ألاقي محتوى جيد أقدمه.
كما تحدث دياب عن رأيه في أغاني المهرجانات والراب، قائلًا: طالما في حاجة حلوة هتنجح سواء راب أو شرقي، ومفيش حاجة أثّرت على حاجة أو خدت حاجة من حاجة، لأن السوق كبير وإحنا بنخاطب المنطقىة العربية كلها.
وأضاف: أنا ممكن أغني أي حاجة حتى لو مهرجانات ولكن المهرجانات مش هتليق عليّا، وهكون سخيف واعتراضي على الألفاظ المستخدمة لكن في شباب مبدعين وعملوا أغنية ناجحة بـ 13 جنيه.
