جومانا مراد: جوزي بيخاف مني بسبب دوري في بابا المجال وبخاف أتفرج على نفسي
تحدثت الفنانة جومانا مراد، عن مشاركتها في مسلسل بابا المجال بطولة الفنان مصطفى شعبان والذي عرض ضمن الموسم الرمضاني 2023.
جوزي بيخاف مني بسبب دوري في بابا المجال
وقالت جومانا مراد في لقاء مع القاهرة 24: جوزي بيخاف مني بسبب دوري في بابا المجال وربنا أكرمني إني عملت دورين مختلفين في رمضان وينجحوا والناس تحبهم وأنا بحب الأدوار الغريبة عليا ومحدش يتوقع إني أعمل الدور دا واتشجعت لأن الورق حلو جدا والنجوم اللي معايا أساتذة وتركيبة حلوة وبالنسبة لـ دميانة في عملة نادرة نجحت لأني كنت حابة اشتغل مع ماندو العدل.
بخاف أتفرج على نفسي
وأكدت جومانا مراد أنها لا تستطيع أن تشاهد نفسها في عمل فني قائلة: أنا شخصيا بخاف أتفرج على نفسي وبكون قلقانة لحد دلوقتي ولا يمكن أتفرج على نفسي في التصوير ونظرتي بتتغير في أول مرة بشوف غير تاني مرة.
من ناحية أخرى تحدثت جومانا مراد عن مشاركتها في فيلم يوم 13، قائلة: أخد وقت طويل في التحضير والمونتاج يارب يكسر الدنيا وتجربة جديدة ومختلفة ومستنية أشوفه زي الجمهور وأول مرة هشوفه ومتحمسة والفيلم أخد وقت كبير جدا في التحضير.
