ماجد المصري: رفضت أظهر في بعض البرامج لأنها هتخسرني جمهوري.. رغم إن كلنا محتاجين فلوس
كشف الفنان ماجد المصري، عدم قبوله للظهور في برامج عدة، لمجرد الحصول على مبلغ من المال، برغم أن كل إنسان يكون حريصًا على جمع الأموال، لكنه لا يفكر في ذلك حتى لا يخسر جمهوره بسبب تصريح صادم أو مثير في تلك البرامج.
وقال ماجد المصري، خلال ندوته في القاهرة 24: إحنا كلنا دايما محتاجين فلوس، بس عمري ما عملت عمل عشان الفلوس، وبيجيلي برامج فيها فلوس كتير، وبرفضها لأنها هتخسرني جمهوري، والفلوس اللي هاخدها هتخلص، لكن لو قُلت تصريح معجبش الجمهور، هيفضل متوثق في تاريخي مدى الحياة.
كما كشف ماجد المصري عن أمنيته على مستوى حياته الشخصية، قائلا: بتمنى من ربنا يديني العمر وأشوف ولادي آدم وداليدا في الكوشة.
وفي سياق مختلف، تحدث ماجد المصري عن صعوبات مهنة الفن، مؤكدا أنها ليست مضمونة، وقال: شغلانة الفن صعبة أوي وبتكلف الواحد كتير وبنسيب بيتنا وأولادنا، وعمري ما عملت عمل عشان الفلوس، وبيجيلي برامج فيها فلوس كتير وبرفض لأنها هتخسرني جمهوري.
وأضاف ماجد المصري: الموضوع متعب جدًا ولازم كل فنان يكون له مشروع بجانب الفن، ومشكلتنا إن الأجور بتاعتنا بناخدها على دفعات، وبنصرف الدفعة ونصرف اللي بعدها ومش بناخد فلوس كاملة على بعض، وفيه التزمات أنا راجل مسئول عندي مدارس وكل حاجة.
مسلسل ضرب نار
على جانب آخر، حقق ماجد المصري مؤخرا، نجاحا كبيرا من خلال مسلسل ضرب نار، الذي عرض في موسم رمضان 2023، بطولة الفنانة ياسمين عبد العزيز، والفنان أحمد العوضي، وكل من، إنتصار، أحمد غزي، مها نصار، وآخرين.
