محمد محمود عبد العزيز: كنت رافض الإنتاج لوالدي.. مش حابب أسحب من رصيده لصالحي
تحدث الفنان محمد محمود عبد العزيز، عن تعاونه مع والده الفنان الراحل محمود عبد العزيز، في أكثر من عمل أنتجه له، موضحا أنه في البداية لم يكن يرغب في الإنتاج له.
وقال محمد محمود عبد العزيز خلال ندوته في القاهرة 24: أنا كنت رافض أنتج لأبويا عشان مش هحب أدخل وأنا عارف إني ممكن أسحب من رصيده لصالحي، حتى لو مش هقلل من تاريخه، بس كنت شايف إني لو مش هضيفله يبقى بلاش أدخل.
وتابع: ومفيش حاجة تضاف لمحمود عبد العزيز أصلا، هو عمل تاريخه الكبير خلاص، يبقى هضيفله إيه، وأبويا اقتنع إننا ننتجله لما ريمون مقار عرض عليه، وقعدنا فترة نفكر نعمل إيه يليق به، لحد ما وصلنا لفكرة مسلسل باب الخلق، وهو شافها فكرة جديدة وحبها.
على جانب آخر، سبق وكشف محمد محمود عبد العزيز، رأيه في تقديم السيرة الذاتية لوالده الفنان الراحل، في عمل فني، وقال: الموضوع مش أنا حابب نقدم ده ولا لأ، بس السيرة الذاتية عموما بتتعمل بعد مرور سنين كتير، وتيجي أجيال متعرفش الشخص أصلا.
وأردف: لكن الناس لحد دلوقتي فاكرة أعمال محمود عبد العزيز كويس، والراجل قدم للناس التاريخ اللي يفتكروه بيه، أنا مش هيكون عندي حاجة جديدة أقدمها.
مسلسل حضرة العمدة
حقق محمد محمود عبد العزيز نجاحا كبيرا في شهر رمضان الماضي 2023، من خلال شخصية الشيخ حافظ في مسلسل حضرة العمدة، وضم العمل العديد من الفنانين، أبرزهم الفنانة روبي، بسمة، إدوارد، أحمد رزق، دينا، وآخرين، وأخرجه عادل أديب.
