معنديش تصفية حسابات في شغلي.. غادة عبد الرازق تكشف موقفها من مشاركة ليلى زاهر في تلت التلاتة
كشفت الفنانة غادة عبد الرازق، موقفها من مشاركة الفنانة ليلى أحمد زاهر معها في مسلسل تلت التلاتة، بعد الخلافات التي أشار إليها الفنان أحمد زاهر، أنه تكمن بينه وبين غادة.
وقالت غادة عبد الرازق: مقابلتش أحمد زاهر خالص في تصوير تلت التلاتة، والله معرفش خالص هو ليه طلع قال إن في خلافات بينا، والحقيقة إن محصلش خلافات في وقت حكاية حياة، ولا حتى اتقابلنا بقالنا 8 سنين تقريبا، بس التفسير الوحيد إن في حد ابن حلال وصّل له كلام وهو متحققش منه.
وتابعت غادة عبد الرازق، كاشفة موقفها من مشاركة ليلى أحمد زاهر في العمل، قائلة: ومع ذلك مكنش عندي مشكلة طبعا من مشاركة ليلى معايا في المسلسل؛ لأن أنا معنديش تصفية حسابات في شغلي وأساسا أنا اللي رشحتها للدور.
على جانب آخر، سبق وكشفت غادة عبد الرازق، إمكانية تقديمها سيرتها الذاتية في عمل فني، وقالت: ممكن أقدم فيلم وثائقي عن حياتي وهستعرض في كل جوانب حياتي، أنا حياتي كتاب مفتوح للناس كلها، الناس عرفت كل حاجة عني وعن بنتي وأحفادي وغلطاتي.
قصة مسلسل تلت التلاتة
وكانت كشفت غادة عبد الرازق، مصدر قصة مسلسلها الأخير تلت التلاتة، مشيرة إلى أن فكرة التوائم كانت تطاردها بشكل كبير، وقالت: كان بقالي فترة بقول لو هنزل رمضان عايزة أعمل حاجة جديدة ومختلفة، وكان جاتلي فكرة التوائم عشان بشوف ناس كتير حواليا منهم، وساعات كنت بلاقي ناس مخلفين 3 توأم، وساعات أمسك التليفون ألاقي برنامج مستضيف 3 توائم نسخة من بعض، فـ حسيت إن دي كلها إشارات من ربنا إني أعمل مسلسل تلت التلاتة.
