مطلعتش على أكتاف حد.. عمر كمال: أنا مش مؤدي مهرجانات والنجاح مجاليش على طبق من دهب | فيديو
تحدث مطرب المهرجانات عمر كمال عن تعاونه مع الفنانة سارة زكريا في ديو جديد، وكذلك عن بداياته الفنية.
وقال عمر كمال خلال حواره مع القاهرة 24: تعاونت مع سارة زكريا عشان جريئة، وتحب تشوفها على المسرح وبتقول إفيهات، والأغنية بتتكلم على الناس الشقيانة والتعبانة.
وعن أغانيه خلال الفترة الماضية، خاصة أنها ديو دائمًا، أضاف: اللون الشعبي اللي إحنا عملناه دايما الناس بتكون عايزه تسمع اتنين، وأنا بغني كل حاجه مش مهرجانات بس.
وعن بداياته الفنية، واصل عمر حديثه: فيه ناس كتير كانت وش الخير عليا.. ومحدش طلع شيطاني، وأنا مطلعتش على كتاف حد.. وأنا دايما عندي فكر، وعمرها ما جاتلي على طبق من دهب، وبحب أعمل كل حاجه بنفسي.
واختتم عمر كمال حديثه قائلًا: أكيد ناس تانية بتنجح لوحدها بس أنا بتكلم عليا، خاصة لما اتشهرت كنت بتعاون مع زمايلي في دويتو، ومش لوحدي، وكانوا وش الخير عليا وطالما فكرة الدويتو حققت نجاح ليه منكررهاش.
آخر أغاني عمر كمال
تعد آخر أغاني عمر كمال قلبي خسة، وكانت ضمن أحداث فيلم ساعة إجابة، والأغنية من كلمات مصطفى حسن وألحان كريم عاشور وتوزيع أحمد وحيد، وجاءت كلمات الأغنية كـ التالي: أنا قلبي قلب خسة خسة خسة.. يعني عايزة معاملة خاصة خاصة خاصة..عربية مهمها تخالف، تتكسف تسحب رخاصها، صوتك مزيكا حافظها نوتة نوتة نوتة.
