محمود سعد يكشف سر وجود بقعة على سرير عادل إمام
كشف الإعلامي محمود سعد سرًا عن الزعيم عادل إمام، بمناسبة عيد ميلاده الـ 83 الذي احتفل به أمس.
وقال محمود سعد في فيديو عبر صفحته بموقع التواصل الاجتماعي فيس بوك: عادل إمام عنده ذكاء فكري كبير وعارف أمتى يقابل ده وأمتى يتكلم مع ده وأمتى يتكلم جد وأمتى يهزر وأمتى يعمل مسلسل وأمتى فيلم وأمتى يوقف مسرحية، وكان عنده إحساس عالي، ولو قاعد في الصالة يقدر يجيب آخر واحد في آخر كرسي ومشاعره علشان كده هو نجح.
وكشف محمود سرًا عن الزعيم مشيرًا إلى أنه عندما ذهب إلى شقته في نادي الصيد ودخل غرفة نومه وجد بقعة على سريره، لافتًا إلى أن هذه البقعة تكشف مدى بقاء الزعيم على سريره متكأ برأسه على الوسادة لفترات طويلة.
وقال محمود سعد: لما عادل إمام جاب شقته في شارع نادي الصيد خد دور كبير وزوجته كانت ست في منتهى الشياكة كل ما أقوله إيه الحلاوة دي يقول لي ده ذوق هالة، ووراني أوض نوم أولاده ودخلت أوضة نومه وأدركت السر في أوضة نومه، لما لقيت بقعة على السرير نفس البقعة اللي كانت عند عبد الحليم حافظ، واللي بتدل أن السرير صاحبه بيقعد فيه كتير مش مسألة نوم بيقعد ساند دماغه على السرير ففيه علامة في قطيفة السرير.
وأضاف محمود سعد: ووجد جمب سريره كتب كتير وده معناه أنه بيقرأ قراءة متنوعة واتعلمت منه من غير ما أحس أني اقرأ ربع ساعة مثلا في الفلسفة وبعدين في الدين فيكون عنده أكتر من كتاب في أكتر من حاجة.
