عايدة رياض: كل الحاجات الصعبة اللي مريت بيها في حياتي فادتني في شغلي
تحدثت الفنانة عايدة رياض، عن مشاركتها في مسلسل الهرشة السابعة الذي عرض في الموسم الرمضاني 2023.
وقالت عايدة رياض خلال لقائها مع الإعلامية إنجي علي في برنامج أسرار النجوم، إن المسلسل يعبر عن الواقع، مؤكدة أن مريم نعوم كانت حريصة على البحث عن المشاكل الموجودة حاليًا، مضيفة: المسلسل كان واقعي بالنسبة للشباب وحتى للكبار اللي زيي».
وأشادت عايدة رياض بالمخرج كريم الشناوي، قائلة: مخرج شاب جميل، وحساس وليه رؤية خاصة في الأداء وبيحب البساطة بشكل كبير جدًا، عندنا شباب كتير مخرجين وتصوير وإضاءة وكل شيء، وفيه كمان طفرة فنية في التأليف من خلال الورش خلال الخمس سنين اللي فاتت وأتمنى تبقى أكتر وأكتر.
في الوقت نفسه أشادت عايدة رياض، بأداء الفنانة حنان سليمان في المسلسل، قائلة: حنان سليمان ممثلة جامدة جدا وعملت دورها بجدارة، والواحد دلوقت ما بيصدق يلاقي دور للمرحلة العمرية بتاعتنا.
كل الحاجات الصعبة اللي مريت بيها في حياتي فادتني
إلى جانب ذلك تطرقت عايدة رياض للحديث عن مشوارها وحياتها، قائلة: كل الحاجات الصعبة اللي مريت بيها في حياتي فادتني في شغلي، زي تعب بابا وأنا صغيرة، وكل ده علمني مين اللي وقف معايا ومين ما وقفش معايا.
