مش ممكن اشتغل مع غادة عبد الرازق تاني واللي بيقولوا أعمالي استهلاك سريع نفسهم يحققوا نجاحاتي.. أبرز تصريحات محمد سامي
فن
المخرج محمد سامي
حل المخرج محمد سامي، ضيفًا على برنامج تفاعلكم، الذي تقدمه الإعلامية سارة دندراوي، وخلال لقائه كشف العديد من الأسرار حول مشواره الفني، إلى جانب رده على الاتهامات التي وجهت له من البعض ضد أعماله الفنية والتي وصفوها بـ الاستهلاك السريع.
نستعرض لكم في هذا التقرير أبرز تصريحات محمد سامي في برنامج تفاعلكم
- لو أعمال محمد سامي استهلاك سريع مكناش هنبقى فاكرين الأسطورة والبرنس وآدم.
- اللي بيقولوا أعمالي استهلاك سريع نفسهم يحققوا نجاحاتي.
- لو اشتغلت مع عبلة كامل في عمل فني هخليها تظهر بشكل مختلف.
- أهم نصيحة حلصت عليها من صديقي لما عدت للساحة الفنية بمسلسل نسل الأغراب، قالي لما ترجع ميكونش جواك غل أو روح انتقام.
- أحب أسلط الضوء على قضايا المرأة ومعاملتها بشكل أحسن وتمكينها من المجتمع.
- محمد سامي المخرج بالنسبة ليا أهم من محمد سامي المؤلف.
- وفاة أختي أصعب موقف عدا عليا في حياتي.
- أول مرة شوفت مي عمر قررت أتجوزها.
- مي عمر أحلى صفة فيها هدوئها ومش انفعالية ومتزنة جدًا.
- آخر مرة بكيت فيها وأنا بمنتج مشهد لـ محمد رمضان وأحمد فهيم.
- أهم شيء بعلمه لبناتي إنهم يتقوا ربنا سبحانه وتعالى.
- أنا مش بشتم في لوكيشن التصوير ولكن بتعصب عشان بكون عايز الشغل يطلع كويس.
- مش ممكن أرجع اشتغل مع غادة عبد الرازق.
- مسلسل آدم صنع اسمي.
