مدرب الزمالك السابق: اتحاد الكرة نسي اللوائح عشان كهربا
يرى محمد حلمي مدرب الزمالك السابق، أن اتحاد الكرة المصري لم يتذكر اللوائح في أزمة محمود كهربا لاعب الأهلي.
محمد حلمي: اتحاد الكرة نسي اللوائح عشان كهربا
قال حلمي في تصريحات تلفزيونية: اتحاد الكرة دلوقتي نسي اللوائح اللي تم وضعها عشان موضوع محمود كهربا، متابعا: اللوائح واضحة وأعتقد المسؤولين زمان كانت علاقاتهم كويسة بالأهلي والزمالك وكان في لائحة ماشيين عليها.
وتابع مدرب الزمالك السابق: تم إلغاء الدوري بسبب نادي الاتحاد السكندري عشان ميهبطش، عندنا نظام بنغيره زي ما احنا عايزين.
محمد حلمي: اتحاد الكرة يتعامل بشكل غريب مع الزمالك
وواصل: نادي الزمالك كبير وقيمته كبيرة جدا، وعمره ما يقع، نادي الزمالك قيمته في تاريخه وأولاده، وطول ما ولاده موجودين هيفضل موجود وبقوة، لكن المشكلة عندنا إننا لازم نتصل بالناس ولازم نكلمهم وبتكلم على الناس الكبار في الزمالك ورموز الزمالك.
وأردف حلمي: مكنتش باخد حاجة وقت ما كنت مدرب الزمالك كنت أقل من أي حد، وكنت جاي أخدم نادي الزمالك، ولو صالح سليم كان حكما لاحتسب هدف حسن شحاتة الشهير، والذي تم إلغائه بداعي التسلل وأهدر من الزمالك دوري عام.
واختتم: اتحاد الكرة كان غريب مع الزمالك وبيتعامل بشكل غريب منذ وقت سابق، وكلمة معلش جات على الزمالك كتير، كنا بنعدي كتير أوي، ونقول معلش.
