عارفة عبد الرسول: لم أعش طفولتى.. وأول مرة أركب ملاهى فى مسلسل اللعبة
تحدثت الفنانة عارفة عبد الرسول عن طفولتها في مدينة الإسكندرية، كما كشفت كواليس من تصوير مسلسل اللعبة بطولة هشام ماجد وشيكو.
وقالت الفنانة عارفة عبد الرسول، خلال لقائها ببرنامج واحد من الناس: أنا من مواليد حي الإبراهيمية بالإسكندرية لكني اتربيت فى حى الحضرة، وبابا سمانى عارفة على اسم جدتى وكنت مش بحب الاسم، وكانوا بيندهولى فى العائلة بميرفت، واكتشفت بعد كده إن الاسم حلو.
وأضافت عارفة عبد الرسول: أعمامى 7 وأبويا أصغر واحد فيهم وفتح محل بقال، وكان بيوقفنى فى المحل مكانه لإنه كان شاب وذواق بيروح للسينما ويسيبنى فى المحل وأنا فى سن 3 سنوات، ولم أعيش طفولتى، وأول مرة أركب ملاهى فى حياتى كان فى مسلسل اللعبة.
واستكملت عارفة عبد الرسول: والدي كان بيديني فى الاسبوع 25 قرش، وكنت بحوشهم واشتريت بيهم حاجات ليا، وبابا تعب من البقالة فقولت ليه نغير يا بابا نعمل محل كوافير فقال لى مش شغلانتنا، فقولت ليه اتعلمها وفعلًا روحت اشتغلت فى كوافير سنة بدون مقابل، واشتغلت مع الفنان وحيد سيف كان بيعمل مسرحية فى الإسكندرية
عارفة عبد الرسول: وحيد سيف قالى خلاص بضحكتك الحلوه دى تقعدى على شباك التذاكر
واختتمت عارفة عبد الرسول: كان فى فنانة اسمها ولاء عندها تصوير فيلم، وقالوا لى اعملى الدور مكانها، ورجعت تانى بعد تاجيل الفيلم فالاستاذ وحيد سيف قالى خلاص بضحكتك الحلوه دى تقعدى على شباك التذاكر وفعلا قعدت ابيع تذاكر.
