أحمد أمين عن الجزء الثاني من مسلسل الصفارة: لسة بدور على فكرة
تحدث الفنان أحمد أمين، عن إمكانية وجود جزء ثاني من مسلسله الصفارة، بعد نجاح الجزء الأول منه، والذي عُرض في الموسم الرمضاني 2023، وحقق نجاح كبير لدى الجمهور.
وقال أحمد أمين خلال حواره مع الإعلامي رامي رضوان، في برنامجه مساء DMC: حاسس إنى لازم أفكر في موضوع تاني لسة بدور على فكرة جديدة، لكن حتى الآن مقدرش أعلن عن جزء ثاني.
وأوضح أحمد أمين، أنه استلهم فكرة الجزء الأول من مسلسل الصفارة من رواية صوت الرعد، وهي فكرة ليست جديدة لكن الكثيرون أعادوا توظيفها في أعمال مختلفة، مؤكدًا أن ورشة كتابة المسلسل كانت سبب رئيسي في نجاحه، قائلًا: غالبًا بيبقى في حد عنده بداية حدوتة وبيبقى عارف خصوصية الموضوع ده فين سواء كوميدي والشخصيات، ودي حاجات بتكون ثوابت في المشروع، والصفارة دي كانت زي فكرة السيفون بيرجع بيه للماضي والكاميرا والصور والساعة والجرنال والخزنة والمذكرات، كل دي كانت أفكار.
وأضاف أحمد أمين: أنا قولت لورشة الكتابة المبدأ أن في حد حصله تروما في حياته وتجاوزها منهار لدرجة أنه كان على وشك الانتحار، ولقى شيء ممكن يرجعه للحظة دي علشان يغير فيها، إيه بقى التروما والمشكلة والشيء مكناش عارفين، وبدأنا نجاوب على الأسئلة ودي حلاوة ورشة الكتابة أن السؤال بيتجاوب من أكتر من جيل ووجهة نظر.
واستكمل: إحنا كنا حابين أن الفكرة يكون فيها فرعوني علشان يبقى فيها سحر، ودور ورشة الكتابة إنهم يجاوبوا على الأسئلة دي.
أبطال مسلسل الصفارة
وضم العمل مجموعة كبيرة من الفنانين أبرزهم: أحمد أمين، محمود البزاوي، آية سماحة، حاتم صلاح، إنعام سالوسة، طه دسوقي، والعمل من تأليف أحمد أمين، وإخراج علاء إسماعيل.
