بعد إعلان خطبتها.. البلوجر سارة محمد تكشف حقيقة خلعها الحجاب
نشرت البلوجر سارة محمد محمود، ستوري جديدة عبر صفحتها الشخصية بموقع التواصل الاجتماعي فيسبوك، لترد من خلالها على سؤال أحد المتابعين حول خلعها للحجاب.
سارة محمد ترد على متابعيها حول خلعها للحجاب
وقالت البلوجر سارة محمد: بالنسبة للناس اللي بتسألني انتي قلعتي الحجاب.. أنا الخرطوش كله في دماغي ووقت العملية حلقولي شعري، أنا مش مستحملة أي حاجة وفي نار في دماغي.. وأوقات كتير بتعب وبيحصلى كهربا لمجرد إن دماغي بتسخن.. أرجوكم بلاش تعلقوا على كدا.. دي حاجة غصب عني، أنا بحب الحجاب ولكن أخف حاجة حتى الشيفون مستحملتهوش وتعبت.
وتابعت سارة، بخصوص السفر للعلاج كان في مستشفى بعتالي دعوة من ألمانيا، ولكن للأسف التأشيرة اترفضت، وأي حد ممكن ابعتله التقارير بتاعتي ويبعتها لـ مستشفيات برا ممكن يبعتلي.
وأضافت سارة: بخصوص العملية أنا لسه مش متحدد لي أي جراحة، وحاليًا أنا ماشية على علاج تقوية العصب لأن مينفعش أدخل العمليات غير لما العصب يتحسن، وحاليًا ماشية على جلسات الأوكسجين والعلاج بالحقن والبرشام.
وأشارت سارة إلى أنها تحاول العودة لحياتها الطبيعية، قائلة: أنا قررت أرجع أشتغل وأتصور وأعمل ريفيوهات من تاني.. ومن النهاردة هستقبل أي شغل وعندي صحابي بيردولي على الماسدجات كلها، وهما عيني اللي بشوف بيها.
وظهرت البلوجر سارة محمد، أمس الخميس، في فيديو جديد لها، شاركته مع متابعيها، توثق فيه خطوات تركيب عين صناعية مكان العين التي دمرت بعد الحادث الأخير الذي تعرضت له، قائلة: قررت أشاركم معايا النهاردة اليوم كامل، أول حاجة هبدأ بيها النهاردة، هي تركيب العين الصناعية مكان العين اللي ادمرت، عايزة أوريكم العين الصناعية هتبقى شكلها عامل ازاي، رأيكم يهمني.
ونشرت البلوجر سارة محمد، أمس الخميس، صورة قراءة فاتحتها، عبر منصات التواصل الاجتماعي، لتعلن من خلالها عن خبر خطوبتها، قائلة: الحمد لله الذي تتم بنعمته الصالحات، صاحب العمر أول شخص اتقدم لي في حياتي والظروف بعدتنا والحادثة جمعتنا، وعوض ربنا لي خلاص، قرينا الفاتحة.
