بعد تصدره محركات البحث على مواقع التواصل الاجتماعي.. نقل إسلام مترو لـ مصحة نفسية للعلاج
نشرت مؤسسة معانا لإنقاذ إنسان، تفاصيل جديدة بشأن الشاب المعروف إعلاميا بـ إسلام مترو، قائلة: معقول ده إسلام اللي وجع قلوبنا كلنا، مين يصدق أن الشاب اللي زي القمر ده يضيع مستقبله على أرصفة الشوارع مشرد.
وأضافت المؤسسة في بيان لها على موقع التواصل الاجتماعي فيس بوك: بنطمنكم على إسلام بفضل الله ثم بمجهود الشباب المحترمة أهل المنطقة اتبدل حاله تمامًا، وهو الآن داخل مصحة نفسية للعلاج وبإذن الله تستقر حالته وهيتم نقله للمؤسسة معانا وهيكون تحت رعايتنا داخل الدار وهنتابع معاكم حالته لحد ما يرجع لحياته الطبيعية بإذن الله.
وتابعت المؤسسة: إسلام اللي ساعده يدخل مصحة أهل المنطقة قرروا ما يتخلوا عنه.. لو كل واحد منا حاول يساعد قدر المُستطاع والله الدنيا هتكون بخير دايمًا.
وكان أحد مستخدمو فيسبوك التقط صورة لشخص يدعى إسلام من المترو الذي ظهر في حالة سيئة جدًا، وكتب: اسمه إسلام بيقول ساكن في المساكن الاقتصادية بحلوان، شكله عنده صدمة من حاجة، هو هادي جدًا مع إن لبسه مبهدل بس عمال يضبط لبسه وشعره كل شوية، موجود في مترو حلوان، وبيبات في جنينة في المعادي، لو حد يعرفه أو أهله يشوفوا صورته.
وتصدر اسم إسلام مترو محركات البحث على فيسبوك، أمس الجمعة وذلك بعدما انتشرت صورته في المترو بشكل واسع بين رواد مواقع التواصل الاجتماعي.
