دينا الشربيني: أحمد داود كان خواف في كواليس فيلم يوم 13.. ونفسنا نعمل جزء ثاني من كامل العدد
أعربت الفنانة دينا الشربيني عن سعادتها الشديدة بنجاح مسلسل كامل العدد، الذي تم عرضه في الموسم الرمضاني 2023، بجانب الحديث عن نجاح أجدد أعمالها فيلم يوم 13 بطولة الفنان أحمد داود.
وقالت دينا الشربيني، خلال تصريحات خاصة لـ القاهرة 24: فريق مسلسل كامل العدد كلهم كانوا صحابي جدًا، خاصة الأطفال، حسن ويوسف وفرح، وفكرة إني أم ومكنتش فاهمة إزاي اتعامل إزاي، وكل ما أقابل أم تقولي ده بالظبط اللي حصل معايا.
وأردفت دينا الشربيني: كلنا نفسنا جزء ثاني من مسلسل كامل العدد، وأي عمل ممكن تلاقيه شبه عادي، وتجربة الـ 15 حلقة مريحة بشكل كبير، وكانت حاجة كويسة إنه تم طرح المسلسل بدري شوية.
وعن نجاح فيلم يوم 13، ردت دينا الشربيني: كنت متفائلة جدًا بيوم 13 علشان فكرة جديدة، وأول مرة في الوطن العربي، وكان عندي إحساس إنه هيعجب الجمهور، وأحمد داود كان خواف في الكواليس، وأخويا وعشرة عمر، وحظه إن هو بيخاف من الرعب.
وتابعت دينا الشربيني حديثها عن تعاونها مع الفنان تامر حسني في فيلم تاج: أول مرة نشتغل مع بعض، وسعيدة بالعمل معه والعمل مختلف تمامًا، وفكرة السوبر هيرو جديدة، وتامر حسني عملوا حلو وهتحبوه أوي.
دينا الشربيني: الإبداع مهم بشكل مطلق وليس في الفن فقط
واختتمت دينا الشربيني: مهم أي بني آدم يبقى مبدع في المطلق مش بس بالفن، وكامل العدد كان مسلسلي المفضل في رمضان.
