حلمي عبد الباقي عن أزمة مصطفى كامل ومنير الوسيمي: مصطفى شاغل نفسه زيادة.. ومفيش حد يقدر يشكك فيه
علق الفنان حلمي عبد الباقي على الأزمة التي حدثت في الفترة الأخيرة بين الفنان مصطفى كامل نقيب المهن الموسيقية، والموسيقار منير الوسيمي النقيب الأسبق للموسيقيين، مؤكدًا أن تاريخ النقابة يشهد على نزاهة مصطفى كامل.
وقال حلمي عبد الباقي في لقائه مع القاهرة 24: أنا شايف من وجهة نظري إن مصطفى شاغل نفسه أكتر من اللازم، مع كل إنسان معروف تاريخه الفني، وتاريخ النقابة بيشهد على نظافة مصطفى كامل، وأنا ليا أذنين بسمع اللي يعجبني واللي ميعجبنيش مسمعهوش، وأبقى شايف إن فيه حد زقه علشان يخبط في مصطفى، ولكني معتقدش إن فيه حد يقدر يشكك في مصطفى كامل ولو بـ 1%.
أما عن تكريم الفنان مصطفى كامل في البيت الفني للفنون الشعبية، فعلق حلمي عبد الباقي قائلًا: سعيد بتكريم الفنان مصطفى كامل صديق عمري ونقيب الموسيقيين، وكمان بباركله على منصب وكيل عام اتحاد النقابات الفنية الثلاثة، وده في حد ذاته إنجاز من إنجازات مصطفى كامل، وأنا فخور بيه وبنقابة الموسيقيين، وفخور بما حدث في النقابة من تطور وزيادة موارد وعلاج ومعاشات، كل ده تطور قال عليه مصطفى كامل.
حلمي عبد الباقي: اللي عمله مصطفى كامل في النقابة يشرف
وتابع: بتربطني بمصطفى كامل صداقة من 30 سنة في بداياتنا، أنا بشوف إن مصطفى كامل من الناس اللي أنا مؤمن جدا إنه ابن ناس وجدع وابن بلد، ولما اشتغلت معاه في النقابة كمان شوفت بعيني اللي بيعمله والله شاهد على ما أقول، إن الراجل ده اللي عمله في النقابة شيء بيشرفني.
واختتم حلمي عبد الباقي قائلًا: أنا من أول الداعمين لمصطفى كامل من وقت الانتخابات على مقعد النقيب، وإن شاء الله الفترة اللي جاية يبقى فيه إنجازات أكتر لأنه صديق عمري بصرف النظر عن النقابة أنا بتشرف بيه.
