عمرو مصطفى لـ محسن جابر: أقسم بالله كل كلمة نطقت بها كاذبة.. بتزوّر التاريخ
نفى الفنان عمرو مصطفى التفاصيل التي سردها المنتج محسن جابر بشأن أول مقابلة جمعت مصطفى وعمرو دياب، موضحًا: أقسم بالله كل كلمة نطق بها هذا الشخص كاذبة.
وكتب عمرو مصطفى تعليقًا على تصريحات المنتج محسن جابر خلال استضافته في برنامج حديث القاهرة الذي يقدمه الإعلامي خيري رمضان، على شاشة قناة القاهرة والناس، قائلًا: يعني أنت بتزور التاريخ وأنت في السن ده.. طب أرد عليك إزاي وأنت راجل في السن ده، أقسم بالله كل كلمة نطق بها هذا الشخص كاذبة.. ولي حق الرد في نفس البرنامج أو برنامج آخر لفتح جميع ملفاته وملفات شركاته وجميع الفنانين الذي يطلقهم على القنوات علشان يهاجموني أنت مَن دمرت الفن في الوطن العربي.
واختتم عمرو مصطفى حديثه قائلًا: استلمت مصر أم كلثوم وفايزة وشادية وعظماء لحد ما وصلتها للمهرجانات.. ده الوقت اللي لازم حد يقف لك وينهي المهزلة دي.
وقال المنتج محسن جابر عن أول مقابلة بين عمرو دياب وعمرو مصطفى: كنت في شركة عالم الفن في وسط البلد وجات لي السكرتيرة قالت لي في واحد بيعيط ومنهار عايز يقابلك ده عمرو مصطفى.
وأضاف: القصة إيه؟ إنه الليلة اللي قبلها عرف إن عمرو دياب بيسجل في ستوديو راح يسمعه أغنية وفتح عليه أوضة التسجيل وهو بيغني فقال مين ده طلعوه بره.. لا سمع ولا شاف ولا عرف والبودجاردات طلعوه فجالي بيعيط وبيقول أنا رموني بره.
وتابع المنتج محسن جابر: وأنا كنت رايح لعمرو دياب فقلت له تعالى معايا وخدته معايا وسمعته لعمرو دياب فعمرو قال الله الأغنية حلوة قوي فقلت له أومال عملت كده في الراجل امبارح ليه قاله هو أنت!! ولولا إني خدته معايا مكانش عمره شاف عمرو دياب.
